23 Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.
Anunɔ gɛ ekulu wɔnɔ enu kibui gbã ɖɔɖɔ elete, kɛlɛ ababhɛtɛ ɛlɛ abha.
Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.
Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.
Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.
tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,
Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.
Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.
Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.
Pɔ onupɛ ebisiɛ, ayɛkɛ aŋã, anɛ sɛ tɛ akpɛ ɛlɛ ɔkpɛ, ɔmɔsɛ anɔ gɛ akpɛ ɔkpɛ, alɛ asɛ aƒulĩ gɛitsu guɖaguɖa gɛ kɛlɛ́ fu falanɔ ɔvɛnɔ ɛkɛlɛ odzinɔ mana ana.
Nɛ tɛyɛyɛkɛŋã mɛɛ, gɛ Abraham edzì anyɛ sheshè, kɛlɛ Sara tsyɛ edzì anɔ gɛ bɔmɔ gɛzã yɛishu tsyɛ elo, ebedzi banɔ gelee akaa, ɔmɔsɛ ayɛkɛ Owusoso Akaa gɛ atɔɖɔ tɛtɔtɔɖɔ ɛlɛ akɔɛ asɛ enu anunɔ gɛ àbhɛtɛ kɛgɛ lɛ ɛlɛ ɔzãkɔ nabha aŋã.
Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.
Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.
Nɛ axɔ̃ɛ gɛ alɛishu nɔkpɛ kemiɛ pɛ nobu ishu kasɛ, banɔ abakpɛ̀ Owusoso Akaa nɛinye nɛitití nɛ wɔnɔ batɔ̃ lulũɔ gɛ akpà plɛnɔ wɔnɔ ebuimɛ dadalɛ nɛ Kristo shu, nɛ̀ wɔnɔ ɛyamɛ gbangbã gɛ nɔlɔkɔ ɔkɔ alɛ nɛ anɔ ka nyia ka.
Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.