Hebrianɛ 10:19 - Nyangbo New Testament

¹⁹ Kliso mɛadzya alɛ mɔ, gɛ bɔyɛkɛŋã sɛ bɔbatsoku buvũɔ Ɔdadalɛ Ɔkɔ Ɔdɛ mɛ nɛ Yesu dzyosu nɔ mɛ soɔ,

Hebrianɛ 10:19 Referans Kwoze

Efesoanɛ 2:18

Ɔmɔsɛ ɔgana yɛabha bɔlɔ ediɛ taabha mɔ kidzo ɔvɛ Akaa ɔkɔ ɔganà ɔfɔfuĩa tonikpo mɛ.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Hebrianɛ 4:16

Kliso nɔkɔ butso plɛnɔ Owusoso Akaa ekusiegbuɔ gɛ alɔkɔ ebhui ɔlɔ ebu nɔɔ, nɛité kpɛkpɛ mɛ sɛ tɛ onupɛ kiwui gagalĩɛ batɔnɔ ɔlɔɔ, tɛ ebeɖi ɔlɔ ashagabui tɛ ebhui ɔlɔ ebu.

Efesoanɛ 3:12

Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.

Romanɛ 5:2

anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.

Hebrianɛ 12:28

Kliso gɛ bɔyɛkɛ bukusi ŋaŋã ɛlɛ gɛ bɔtɛbalà shukuɔ, nɔkɔ buhu ahɔɛ, tɛ bɔlɔkɔ ɛtakpu esi kpɛkpɛɛ gɛshɔnɔ, nɛ̀ kifu sisíɛ ɔkɔ Owusoso Akaa,

Yohanes 1 4:17

Nɛ kidzo ɛlɛ nabhaa, tɛdɛdɛmɛ nɔ ná nɛ bɔlɔ mɛ, sɛ tɛ̀ bɔlɔkɔ zipo kebhukulu kiwuiɛ, ɔmɔsɛ bɔlɛ asɛ yɛ ana nɛ kanɔ alɛ mɛ.

Romanɛ 8:15

ɔmɔsɛ anɛ ɔfɔfuĩa nɔ gɛ lɔkɔ ɔsɛ tɛ anɔ dzidzi esi ifuɔ ɔlɛ lɛ wɔnɔ mɛ, pɔ Ɔfɔfuĩa nɔ gɛ lɔzã beyi mɛɛ, nɔyɛkɛ. Kliso bɔkpɛ ozĩ ɔsɛ, “Ao, lɔɛitití.”

Timoteo 2 1:7

Ɔmɔsɛ Owusoso Akaa agɛ kɔ ɔlɔ ɔfɔfuĩa gɛ lodzi yɔɔ nɔ, pɔ ɔfɔfuĩa nɔ gɛ ohumi ɔkpasɛ ɔlɛ mɛ pɛ lɔonu tɛdɛdɛmɛ nɔ, nɛ̀ ishu abha tɛŋaŋã.

Hebrianɛ 9:3

Nɛ kɛpɔtɛ bhalà niedeɛ buvũ lɛ ɛkɛlɛ gɛ bekulu ɛkɛlɛ asɛ, Ɔdadalɛ Ɔkɔ Ɔdɛ.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 10:18

Kliso gɛ balɔkɔ ebui alɛ pete etsyeɛ, kɛlɛ bɔdɔ̃ pɔpɔɛ sɛ tɛ bebu ebui kpa atɛ nɔ nanà abha ma.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.