Hebrianɛ 10:14 - Nyangbo New Testament

¹⁴ ɔmɔsɛ gana bɔdɔ̃ pɔpɔɛ tunikpo mɛɛ, abhɛtɛ bagɛ balɛishu badalɛɛ, bamɔ tɛdadalɛ tihɔɔ.

Hebrianɛ 10:14 Referans Kwoze

Hebrianɛ 10:1

Kɛtɔwui ete ɔsha onu ɔkɔ ebui gbangbã gɛ laba shu-anɛ alɛ enu ebuiɛ gɛ bɔpɛ sɛ tɛ bɔmɔ. Kliso ɔsha tɛbɔlà gã kɛgɔ nyiɛ gɔ ɔdɔ̃ pɔpɔɛ mɛ pɛ lɔbɔbhɛtɛ bagɛ bakpɛ ɛtakpu esi akɔ Owusoso Akaa, sɛ tɛ bana piapii nɔ ɖa.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Hebrianɛ 13:12

Nɛidzo ɛlɛ nabhaa, Yesu tsyɛ amɔ̃ bɔtɔ nɛ ɔma ɔlɛ kakãdeɛ ɔsɛ tɛ alɔkɔ yɛdzyosu nɔ adalɛ banɔ shu nɔ.

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Hebrianɛ 9:10

Bɔdɔ̃ ɔlɛ nu asɛ, bɔdɔ̃ ŋaŋã nɛ̀ ɔdɔ̃ wɔɛwɔɛ nɛ̀ ɛkɔ ediedi ebui tɛbhɛbhɛtɛ ana, alɛ nyɔ̃ɔ enu kanɔ mɛ ebui tɛbhɛbhɛtɛ gɛ lazã ɔvɛnɔ kibeɛ gɛ tɛtɔtɔɖɔ vɔvɔ ɛlɛ baba.

Banɔkpɛkpɛ Axɔ̃ɛ 26:13

Oo, ekusi asɛ ɛɖàtata lɔfɔ nɛ̀ tɛbha mɛ anaa, gɛ itsiɖi kidzo nabha vɛɛ, ɔmɔ kifù odenɔ kititiɛ gɛ kitsè dɛ kiwuiɛ, pɛ kɛba kanà mɛ nɛ̀ mɛɔbhia alɛ.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.