Hebrianɛ 1:3 - Nyangbo New Testament

³ Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Hebrianɛ 1:3 Referans Kwoze

Kibui Bubú Kasɛ 4:11

“Bɔlɔ Apalete nɛ̀ Owusoso Akaa, wɔ kɛshɔnɔ ɔsɛ, tɛ ɔyɛkɛ tɛdadalɛ, tɛ kpɛkpɛ nɛitití nɛ̀ ohumi ɔmɔsɛ wɔbhɛtɛ kanɔ mɛɔdɔ̃ nyɔ̃ɔ, kɛlɛ gana wɔ tɛpɛpɛ ulũɔ babhɛtɛ kɛka nyia ka kɛlɛ wɔkɔ ɔsɛ bɔlɛ.”

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Yuda 1:25

ishu dadalɛ, bukusi ŋaŋã, ohumi ɔkɔ Owusoso Akaa ete gɛenu anɔ gɛ ebu ulɔ, ɔgana Apalete Yesu Kristo abha, nɛ agɔ gɛ latɛ bafala petee mɛ, odenɔ otsiɛ ɔvɛnɔ tihɔɔ mɛ! Amen.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Petro 2 1:16

Anɛ ɛdzɛdzɛ gɛ bafatɛ ede bɔza pɛ bɔɖɔ Apalete Yesu Kristo ohumi nɛ̀ yɛ tɛbaba shu ebui tseɖe ɔnɔ, pɔ bɔza pɛ bɔmɔ yɛohumi nɔ nɛ̀ awuhũ.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Kibui Bubú Kasɛ 3:21

Anunɔ gɛ aŋã abhaa, ɛbakɔ yɛidzo yɛazã aplɛnɔ mɛ nɛ mɛekusiegbu nabha, ɔmɔ asɛ kɛŋã gɛ ɛŋã abha, pɛ izhidzi plɛnɔ Mɛakaa, nɛ yɛekusiegbu nabha.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Banɔkpɛkpɛ Axɔ̃ɛ 2:33

Gɛ befeke yɛavɛnɔ Owusoso Akaa kɛŋãa mɛ ebekeɛ, ayɛkɛ Ɔfɔfuĩa Gbangbã gɛ batɔɖɔ elu akɔɛ odenɔ Akaa ɔkɔ kɛlɛ yɛtsyɛ ashɛnɛ ahɔɛ nɛ ɔlɛ shu asɛ gɛ nɔmɔ pɛ nolũɔ ana.

Koloseanɛ 3:1

Gɛ befeke ɔnɔ nɛ̀ Kristo soɔ, nɔlɔkɔ ɔnɔ etúɔ ɔtɔɖɔ kititì ɔdɔ̃ nabha, nɛ ɛkɛlɛ gɛ Kristo azã esi nɛ Owusoso Akaa nɛŋã mɛɛ.

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Banɔkpɛkpɛ Axɔ̃ɛ 7:56

Kɛlɛ Stefano aɖɔ asɛ, “Noɖio! ɛmɔ kititíɛ gɛ dalɛ li kɛlɛ ɛmɔ Anɔdzyrame Yɛeyiɛ gɛ elititíɛ nɛ Owusoso Akaa yɛŋã mɛ.”

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Hebrianɛ 9:16

Bawɔa kibui tɔtɔɖɔ lu ɛlɛ shu kɛxɔ̃ɛ onupɛ anunɔ gɛ atɔɖɔ ibuiɛ elu etsí pɛ abhama nɛ ɛkpãa,

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Hebrianɛ 1:13

Wɔnɔ baxɔ̃ɛdɛ mɛ eɖuwoe lu Owusoso Akaa atɛɖɔ etseɖe eɖi asɛ, “Zã mɛŋã mɛ ɔvɛnɔ kibeɛ gɛ ɛlɔkɔ bagɛ atɛ adɛmɛ nɛ wɔ bhɛtɛ ɔtsɛɖɛdzudzu egbu ɔkɔ wɔtsɛɖɛ dza?”

Petro 2 1:17

Ɔmɔsɛ ayɛkɛ kinye kpɛkpɛ nɛitití nɛ̀ ishu dadalɛ odenɔ Owusoso Akaa ɔkɔ nɛ kibeɛ gɛ ozĩ oyì odenɔ Ohumi Ishudadalɛ Eleteɛ ɔkɔ ɔsɛ, “Mɛeyianyɛ nɛ alɛ, yɛibui mɛdɛmɛ, yɛ shu mɛmɔ same.”