Hebrianɛ 1:14 - Nyangbo New Testament

¹⁴ Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Hebrianɛ 1:14 Referans Kwoze

Banɔkpɛkpɛ Axɔ̃ɛ 27:23

Kivũɔ elishiɛ, Owusoso Akaa axɔ̃ɛdɛ teli gɛ ɛkpɛ kɛtakpu esì ɔkɔɔ ebu yɛishu akasɛ mɛ

Banɔkpɛkpɛ Axɔ̃ɛ 5:19

Pɔ gɛ elishiɛ anaa, Apaleteɛ yɛaxɔ̃ɛdɛ teli adɛ dalɛ ɔɖavũɔ budulũɔ kɛlɛ agbanà alɛ ekoeyì.

Banɔkpɛkpɛ Axɔ̃ɛ 12:7

Nɛ balɛ matì matì mɛɛ, Apaleteɛ yɛaxɔ̃ɛdɛ ebekoeyì, kɛlɛ kifu dɛkɛ ku ɔɖavũɔ mɛ. Axɔ̃ɛdɛ etũ Petro kɛdɔ̃ nɛ yɛɔwɔã mɛ̀ pɛ anyɛmii. Etseɖe yɛasɛ, “Hɔa, tɛ ɔlɔ!” kɛlɛ ɛɖahuiɛ wɔlɛ̀ nɛ Petro yɛɔhɔkpɔ.

Banɔkpɛkpɛ Axɔ̃ɛ 12:23

Gɛ Herodes agɛkpɛ Owusoso Akaa nɛinyè nɛitití soɔ, tsiɔ ɔlɛ koɔ, Apaleteɛ yɛaxɔ̃ɛdɛ teli ebehui ebho, kɛlɛ asɔ̃ abaŋãyɛ pɛ etsi. (Anɔkpa yɛedzì kɛlɛ so pɛ baɖɔ asɛ asɔ̃ aŋã yɛ pɛ̀ etsi.)

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Kibui Bubú Kasɛ 5:6

Kɛlɛ ɛzɛmɔ obhoshieyi, gɛ ɔmɔ asɛ bebhui ɔlɛ, pɛ loli bagã talɛ nɛ̀ banɔ sheshèɛ gɛ ebu kɛma akpɛ ekusiegbuɔ nɛishi. Asha tegegene nɛ̀ awuhũ tegegene lɔkpɛ. Gɛenu Owusoso Akaa Ɛfɔfuĩa tigegeneɛ gɛ akpɛ asɛsɛ kanɔ nɔ̀ mɛ peteɛ.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Yuda 1:14

Henox, anɔ gegenemiɛ odenɔ Adamu mɛ̀, aɖɔ ebui elú nɛ banɔ alɛ nɛidì shu asɛ̀, “Nɔoɖi mɔ, Apaleteɛ aba nɛ̀ yɛanɔ dadalɛ nɛ ihotu, ihotu mɛ

Petro 1 1:4

nɛ̀ kaŋãsiɛ gɛetibe belè ɖìɛ mɛ, gɛ ketìbezĩ alo pɛ kalɛ ulũ bafalàa, kalɛ babalɛ nɛititíɛ elu akɔ wɔnɔ

Hebrianɛ 6:17

Gɛ Owusoso Akaa apɛ asɛ tɛ akasɛ asɛ yɛtɛtɔtɔɖɔ ɛlɛ tɛbà tsyina ɔkɔ bagɛ abaŋã kaŋãsiɛ eɖi soɔ, atanà ɔdɔ̃ atɔɖɔ ɛlɛ abha.

Tesalonikanɛ 2 1:7

kɛlɛ abakɔ wɔnɔ bagɛ bakpɛ buluhũɔ emoelè, kana bɔlɔ tsyɛ. Kibui ɛlɛ babà ɛlɛ mɛ gɛ onupɛ Apalete Yesu ekoeyì denɔ kititíɛ nɛ kifu gɛtã ɔplɛnɔ yɛ ohumi axɔ̃ɛdɛ.

Filipianɛ 2:25

Pɔ ɛmɔ sɛ kɛpɛ̃ ɔsɛ mɛidzini Epafrodito gɛenu mɛadzya sɛsɛ, nɛ̀ mɛ ɔhagbo xɔ̃ɛwa nɛ keyu atata pɛ enu wɔnɔ axɔ̃ɛdɛ gɛ nɔsɛsɛ ɔsɛ ezeɖi mɛabhaa.

Korintoanɛ 2 9:12

Axɔ̃ɛ alɛ gɛ nɔɔdɛ atɛakɔ bagɛ balɛenu Owusoso Akaa anɔ nɔ̀ ete bɔdɔ̃, pɔ buyuku balɛ gɛ balɔkɔ ehu Owusoso Akaa ahɔɛ nɔ.

Romanɛ 15:27

Batɔɖɔ akɔ bɔdɔ̃ nɛ̀ same, kɛlɛ ɔmɔ asɛ kɛbhɛ gɛ badɔ nɛ balɛishu ana. Onupɛ bagɛ betinu Yudanɛ amɔ bɔdɔ̃ gbangbã odenɔ ɔfɔfuĩa tiyuyula gɛinu Yudanɛ ɔyɛ mɛɛ, kɛlɛ badɔ ɛbhɛ nɛ Yudanɛ shu gɛ kɛlɛ kɔ alɛ sɛ tɛ balɔkɔ bɔdɔ̃ɔ gɛ bamɔ̃ edenɔ tiyuyula mɛɛ, aplɛnɔ Yudanɛ nɔ.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Romanɛ 13:6

Kɛlɛ́ nɛtakpu tsyɛ so pɛ nɔbuia ɔmɛadzɔ, ɔmɔsɛ bagaŋã abha enu Owusoso Akaa yɛaxɔ̃ɛdɛ, gɛ balɔkɔ balɛ kibe akɔ nɛ esiakpa abha axɔ̃ɛ abha tiɖiɖi mɛ.

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Banɔkpɛkpɛ Axɔ̃ɛ 11:22

Kibui ɛlɛ baku ɔhaa gɛ̀ lɔlɛ̀ Yerusalemuɔ atɔ̃mɛ, kɛlɛ basɛsɛ Barnaba nɛ Antioxia.

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Hebrianɛ 10:11

Nɛ kiwui nyiɛ wui abhaa, banɔlũazazã ka nyia ka ewlui avɛ yɛxɔ̃ɛ abha, pɛ balɔkɔ bɔdɔ̃ pɔpɔɛ tunikpo ɛlɛ nɛidi, gɛ tɛlà bu ebui kpa tɛ nɔ akɔ.

Hebrianɛ 8:6

Kɛxɔ̃ɛ dɛdɛɛ pɔ gɛ Kristo ayɛkɛɛ, kigbogblo dɛ balɛ ɛyɛ, asɛ kigbogbloɔ gɛ yɛolugbũ nyanyã gɛ alɔkɔ evũ iboe nɛ bɔlɔ ishiɛ nɔ tsyɛ ogbogblo ɔdɛ balɛ ɔyɛ kukuɔ ana. Ɔmɔsɛ lode tɛtɔtɔɖɔ luɔ gɛpɛ̃ dɛ okukuɔ mɛ.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Filipianɛ 2:17

Pɔ edzi asɛ babalɛ mɛ dzyosu esi odenɔ wɔnɔ ishu tɛlɔlɔkɔ ɔkɔ nɛ̀ kɛxɔ̃ɛ wɔawɔa gɛide tɛyɛyɛkɛŋã mɛɛ tsyɛ elo, same eekù mɛ nɛ ɔnɔ petee shu.

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Galatianɛ 3:29

Onupɛ onu Kristo ayɛ, kɛlɛ onu Abraham yɛeshui, nɛ̀ kaŋãsi elete nɛ kɛgɛ batɔɖɔ elu nulũ.

Galatianɛ 3:9

Klisoɔ beyulà akɔ bagɛ ayɛkɛ aŋã aplɛnɔ Abrahamuɔ, anyɛ gɛ tɛyɛyɛkɛŋã lɛ yɛahɔɛ.

Galatianɛ 3:7

Nɔolũ ɛlɛ esi ɔsɛ, bagɛ ayɛkɛ aŋã enu Abraham yɛeyi alɛ.

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Banɔkpɛkpɛ Axɔ̃ɛ 16:26

Nɛ balɛ matì matì mɛɛ, kesiakpa ebeshukù gagalĩi akɔ asɛ ɔɖavuɔ itsuru nɔ tsyɛ bashukù. Odunu ɔlɔ koɔ ɔɖavũɔ budulũɔ petee badalɛ, kɛlɛ aka nyia aka yɛɖahuiɛ boele.

Romanɛ 11:14

nɛ awɔ̃lulu sɛ ɛbalà nyɛmɛ mɛ kɛmadiɛ ginu Yudanɛ sɛ tɛ mɛlɔkɔ awuhũ dzadzã tɛ mɛibu balɛ anɔ teli.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.