Filipianɛ 4:8 - Nyangbo New Testament

⁸ Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Filipianɛ 4:8 Referans Kwoze

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Korintoanɛ 2 8:21

Ɔmɔsɛ bɔkpɛ kemi pɛ bɔbhɛtɛ̀ kɛgɛ pɛ nɔ, gɛnɛ nɛ Apaleteɛ namɛ ete, pɔ nɛ banɔdzyrame tsyɛ amɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Hebrianɛ 13:18

Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Efesoanɛ 5:9

tɛ nɔ pɛɛ kɛgɛ ikù Apaleteɛ sameɛ,

Tito 1:8

Pɔ kɛlɛ sɛ tɛ yɛyamɛ pɛ̃, anɔ gɛ adɛmɛ nɔ nɛ̀ kɛgɛ pɛ, anɔ gɛ aŋã yɛishu abha, aɖɔ kibui nɛ ɛlɛ ɔzãkɔ, yɛishu dalɛ pɛ anyana yɛishu evunɔ.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Yohanes 1 3:18

Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Tito 2:2

Kasɛ banɔ sheshèɛ tɛ belu kitu esi, sɛ tɛ bakpɛ kɛtakpu esi akɔ alɛ, ishu abha ŋaŋã, bazã piapi nɛ tɛyɛyɛkɛŋã mɛ, nɛ tɛdɛdɛmɛ nɔ nɛ̀ kemikpɛkpɛ mɛ.

Korintoanɛ 2 13:7

Otsi nɔ bukulu Owusoso Akaa sɛ nɔtɛ bɔbhɛtɛ kibui kpa nanà. Gɛnɛ gɛ banɔ abamɔ̃ asɛ bɔŋã kabha nɛ tifefekeɖiɛ mɛ so, pɔ sɛ tɛ nɔbhɛtɛ kibui nɔnɔ gɛpɛ̃ onupɛ edzi asɛ bɔgɛ ŋã kabha tsyɛ.

Koloseanɛ 4:5

Nɔotì bubutì idzoɔ gɛ nɔbɔ lɔkɔ ɔkpɛ ɔha nɛ̀ bagɛ agɛ yɛkɛ aŋãa, nɔwɔa kibè ka nyia ka gɛ nɔmɔ̃ shu ɛxɔ̃ɛ piapii.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Romanɛ 13:3

Banunɔ gɛ baŋã abhaa, betiku ebui gbangbã bhɛbhɛtɛelete nɛifu, pɔ ebui kpa bhɛbhɛtɛeleteɛ ko. Ɔpɛ ɔsɛ tɛ ɔzã tɛ anunɔ gɛ aŋã abha etiku wɔɛifu dza? Kɛlɛ bhɛtɛ kibui gɛ ɛpɛɛ tɛ akpɛ wɔɛinye nɛitití.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Filipianɛ 3:1

Gɔgɔɛ nɔ mɛadzya alɛ mɔ, nɔmɔ same nɛ Apaleteɛ mɛ. Kitinu bɔtɔ ɔkɔ mɛ sɛ iwlui kaa fɔnɔ ebui alɛ sɛsɛ ɔnɔ, kɛlɛinu kibui gɛ ba po ɔnɔ.

Romanɛ 2:29

Ao, anunɔ gɛ enu Yudaeyi tututuɔ yɛenu anɔ gɛ alɛ yɛishu mɛ, kɛlɛ yɛhɔ̃a bhui bhuiɛ nu kitúɔ ɛhɔ̃a bhui bhui odenɔ ɔfɔfuĩa mɛ, kɛlɛ anɛ nɛ ɔsha gɛ bafɔnɔ eluɔ nulũ. Anɔ alɛ nɛidi inye kpɛkpɛ nɛititíɛ, anɛ banɔ ɔkɔ kide pɔ Owusoso Akaa ɔkɔ.

Timoteo 1 2:2

akɔ bekusiɛ nɛ̀ bagɛ alɛ ɔsha nulũɔ, sɛ tɛ bɔzã nɛ ishu yɔyɔ nɛ̀ ɛkpã gɛyɔ nɛ Owusoso Akaa nɛ̀ ishu dadalɛ pete mɛ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Efesoanɛ 6:14

Klisoɔ nɔzã gagalĩ, tɛ nɔ lɔkɔ kibui gbã atsatsà tɔɖɔ ɔnyã kashɛ nɔ, ɔlɔkɔ ɔplɛnɔ kitemɛ ɔɖaa akpɛkpɛ gɛ yɛishu kibui gbangbã bhɛbhɛtɛ ɔkpɛ ɔtɔɖɔ yɛɔzãkɔ

Tesalonikanɛ 1 4:12

sɛ tɛ kɛkɔ sɛ wɔnɔ kibe nyia be ɛkpã zazãna sɛ tɛ bagɛ etinu Kristoanɛ bamɔ wɔnɔ tɛpɛpɛ, tɛ nɔtɛ zã ananà yɛabha.

Efesoanɛ 4:25

Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.

Korintoanɛ 2 6:8

ɔgana ishu dadalɛ nɛ̀ awũi ebui mɛɛ, kibui kpa tɛɖɔɖɔ nɛ̀ kibui gbangbã tɛɖɔɖɔ nɛ anɔ shu mɛ, bɔna pɔ balɔkɔ bɔlɔ asɛ butinu anunɔ gɛ yɛ bɔɖɔ sɛ yɛ bunuɔ,

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Banɔkpɛkpɛ Axɔ̃ɛ 22:12

“Anyɛ teli gɛ bekulu asɛ Anania yɛaba ebeɖi mɛ. Edzi anɔ gɛ ezeshù ɔsha, kɛlɛ Yudanɛ petee gɛazã kɛma ɛlɛ mɛ adɛmɛ yɛibui.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Timoteo 1 5:2

badzɛ sheshèɛ asɛ beelĩ ana, nɛ̀ badzɛnuvɔɛ nɔ asɛ baada ana, tɛ banyana ishu ovunɔ nɛishu dadalɛ mɛ.

Timoteo 1 3:4

Kɛlɛ ɔsɛ edzi anɔ gɛeɖi yɛɔpã abha piapii, tɛ̀ eɖi ɛlɛ ɔkɔ asɛ beyi gɛ elu atɔ̃ piapii pɛ bakpɛ kɛtakpu esi akɔɛ alɛ yɛahɔɛ.

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Hebrianɛ 11:2

Nɛidzo ɛlɛ nabhaa ebelianɛ nɛibui ku Owusoso Akaa awɔ̃.

Timoteo 1 3:11

Nɛ kidzo ɛlɛ nabha, balɛ edzini alɛ tsyɛ, kɛlɛ sɛ bedzi baadzɛ gɛ banɔ adɛmɛ nɛ alɛ, betinu banɔ gɛ baɖɔ banɔ tibui, pɔ benu badzɛ gɛ belu kitu esi pɛ bayɛkɛ balɛ abha ŋã nɛ kɛka nyia ka mɛ.

Korintoanɛ 2 8:18

Kɛlɛ bɔɔkpɛ adzya teli plɛnii gɛ ɔhaa petee adɛmɛ nɔ nɛ yɛ kibui gbangbã axɔ̃ɛ wɔawɔa shu so.

Petro 2 3:1

Mɛ ɔbhialɛ gɛ ɛdɛmɛnɔ, mɛ eplukpa bhlàa gɛ ɛfɔnɔ kɔ wɔnɔ nɛ alɛ. Nɛ buplukpa tɔbhaa gɛ ɛfɔnɔ sɛsɛ wɔnɔ mɛɛ, ɛlɔkɔ bakà wɔnɔ nɛ ebui alɛ shu tɛ wɔnɔ ekpeɖekpeɖe bhɛbhɛtɛ mɛ ana.

Romanɛ 14:18

Ɔmɔsɛ anunɔ gɛ akpɛ ɛtakpu esi akɔ Kristo nɛ idzo ɛlɛ nɛidi abhaa yɛibui Owusoso Akaa adɛmɛ nɔ, kɛlɛ banɔ tsyɛ adɛmɛ atɔɖɔ kɛlɛ abha.