Filipianɛ 4:6 - Nyangbo New Testament

⁶ Nɔtɛ lɔkɔ ɔwɔ̃nyɔnɔ nɛ kɛnanà shu, pɔ nɛ kɛka nyia ka mɛɛ, nɔ ganà ɛlɛ nɛ Owusoso Akaa tikukulu, kɛdɔ̃ bibisì, nɛ̀ ahɔɛ huhú mɛ, nɔ lɔkɔ wɔnɔ ɛdɔ̃ bibisìɛ lu Owusoso Akaa namɛ.

Filipianɛ 4:6 Referans Kwoze

Petro 1 5:7

Nɔlɔkɔ wɔnɔ ɔwɔ̃nyɔnɔ petee ɔtɔɖɔ yɛabha ɔmɔsɛ, yɛeɖì wɔnɔ abha.

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Koloseanɛ 3:15

Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Efesoanɛ 5:20

tɛ nɔozohu Owusoso Akaa gɛ enu Akaa ahɔɛ kibe nyia ibe ɔkɔ kɛka nyia ka, nɛ bɔlɔ Apalete Yesu Kristo inyeɛ mɛ.

Korintoanɛ 2 1:11

asɛ gɛ nɔplɛnɔ bɔlɔ nɛ wɔnɔ Owusoso Akaa tikukulu mɛ̀ ana. Kɛlɛ́ banɔ kpekpè ebehu ahɔɛ nɛ bɔlɔ kɛtakpu nɛ tibhui bhuibu gbangbã gɛ ebhui bɔlɔ ebuɔ nɛ banɔ kpekpèɛ gɛ bekulu Owusoso Akaa nɛ bɔlɔ kɛtakpu so.

Korintoanɛ 1 7:32

Ɛpɛ sɛ tɛ wɔnɔ etúɔ mɛ adɔ fɔ̃ɔ nɛ kɛka nyia ka shu. Anyɛ nɔnɔ gɛ agɛ gbana adzɛɛ alɔkɔ̀ tili nɛ Apaleteɛ ebui mɛ, nɛ kɛdɛmɛ gɛ abadɛmɛ nɔ nɛ̀ Apaleteɛ.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Korintoanɛ 1 7:21

Anɔ dzidzi wɔonu flogo pɛ bekulú wɔ̀ dza? Tɛkɔ kɛkpɛ wɔ buluhũ, onupɛ edzi asɛ ɔbɔlá yɛkɛ wɔ ishu ahɔɛ mɛ zazãa, bhɛtɛ ana.

Timoteo 1 2:1

Putɔ nɔɔ, ɛkpalà wɔ ɔsɛ, kɛdɔ̃ bibisi, Owusoso Akaa tikukulu, pɛnɔsɛ tɛ̀ bekulu Owusoso Akaa ɔkɔ anɔ teli alo tɛ behu ahɔɛ, kɛlɛ sɛ babhɛtɛ alɛ akɔ anɔ ka nyia ka,

Timoteo 1 5:5

Avɛvɛ yɛedziniɛ gɛ kɛdɔ nana ma yɛahɔɛ pɛ yɛ ete yɛalɛ, yɛotugbà mɛ ɖiɖiɛ petee otsiɖi Owusoso Akaa nabha, kɛlɛ azã ɛlɛ abha elishi nɛ̀ kiwui mɛ tɛ ekulu Owusoso Akaa tɛ ezebisi tepɛplɛnɔ edenɔ yɛahɔɛ mɛ.