Filipianɛ 4:5 - Nyangbo New Testament

⁵ Nɔkɔ wɔnɔ ishu nyanyana dzi kibui mɔmɔ ɔkɔ banɔ nɔ̀ petee. Apaleteɛ etso aba.

Filipianɛ 4:5 Referans Kwoze

Tito 3:2

tɛ̀ batɛ gã olugbũ kedzi nɛ ananà shu, bazã ishu yɔyɔ mɛ tɛ beɖi anɔ ashagabui, tɛ bezhini ishu esi ɔkɔ aka nyia aka.

Hebrianɛ 10:37

Ɔmɔsɛ nɛ kibe gulũi mɛ koɔ, “Anɔ nɔ̀ gɛ yɛabaa, atɛ bawɔ ede.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Korintoanɛ 1 6:7

Gɛ kɛgbã sɛ̀ nɔlɔkɔ bagɔlɔ ɔvɛnɔ kebhu soɔ, kɛtɛ kasɛ ɔsɛ baŋã wɔnɔ abha xɔɔ. Kiɖe so pɛ nɔtɔkɔ yɛabhɛtɛ kibui kpa nɛ wɔnɔ boŋ shu? Kiɖe so pɛ nɔtɔkɔ balɛ boŋ ete dzyini wɔnɔ akpɛɛ dza?

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Kibui Bubú Kasɛ 22:7

“Noɖio ɛɛba otsiɛ tsĩɔɔ! Beyulà anunɔ gɛ anyana ebuiɛ gɛ baɖɔ elu nɛ eplukpa alɛ mɛ evunɔ.”

Korintoanɛ 1 8:13

Klisoɔ, onupɛ kɛgɛ ɛŋãa kɔ sɛ tɛ̀ mɛadzya ezhi eku kibui kpa bhɛbhɛtɛ mɛɛ, ɛzakatã kɛdzya ɖi, sɛ tɛ̀ ɛtɛ bakɔ yɛadɔ oboe.

Kibui Bubú Kasɛ 22:20

Anɔ nɔ̀ gɛ aɖɔaɖɔ adalɛ ebui alɛ shuɔ aɖɔ asɛ, “Ee, ɛɛba otsiɛ tsĩɔɔ.” Amen, Apalete Yesu ba.

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Korintoanɛ 1 9:25

Anɔ ka nyia ka gɛ apɛ asɛ tɛ̀ awlɔ̃akɛ nɛ bɔwufu lɛ nɛidi mɛɛ, akpasɛ bɔlɛ piapii. Babhɛtɛ alɛ sɛ tɛ̀ bayɛkɛ kikutuɔ gɛtɛ bazã tihɔɔ nɔ, pɔ bɔbhɛtɛ alɛ nyɔ̃ɔ sɛ tɛ̀ bɔyɛkɛ kikutuɔ gɛ bazã tihɔɔ nɔ.

Tesalonikanɛ 2 2:2

sɛ tɛ nɔtɛkɔ ɔwɔ̃nyɔnɔ kibui ɖɔlù, bulũ bhui bhui, alo keplukpa tieli gɛ basɛ kede bɔlɔkɔ pɛ kaɖɔ sɛ Apaleteɛ nɛiwuiɛ tɛba kukuku.

Korintoanɛ 1 16:22

Onupɛ anɔ teli agɛ dɛmɛ nɔ nɛ Apaleteɛ, kibui ɖɔɖɔ ɔkpɛ anɔ zã yiede. O, Apalete, ba!

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.