Filipianɛ 4:3 - Nyangbo New Testament

³ Ee, kɛlɛ ibisi odenɔ wɔnɔ agɛ onu mɛ ɔhagbo axɔ̃ɛwɔa ɔkɔ ɔsɛ tɛ, nɔ plɛnɔ badzɛ alɛ gɛ gɛazã aplɛnɔ mɛ gagalĩi nɛ kibui gbangbã axɔ̃ɛ wɔawɔa mɛ, ɔlɔkɔ plɛnɔ Klemens nɛ̀ mɛ ɔhagbo axɔ̃ɛwɔa gɔgɔɛ nɔ, gɛ balɛ inyeɛ kpasɛ ɛkpã eplukpa mɛ.

Filipianɛ 4:3 Referans Kwoze

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Kibui Bubú Kasɛ 3:5

Anunɔ gɛ aŋã abhaa, yɛtsyɛ abazã bakpɛkpɛ frɛrɛ mɛ asɛ balɛ ana. Ɛtɛba xoele yɛinye nɛ ɛkpã eplukpa mɛ ɖi ɖa, pɔ ɛbabui kasɛ nɛ Mɛakaa nɛ̀ yɛaxɔ̃ɛdɛ namɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Kibui Bubú Kasɛ 21:27

Kɛdɔ̃ gɛ ɛlɛ shu gɛdalɛ nanà tɛbaku ɔma ɔlɛ mɛ ɖi, alo bagɛ babhɛtɛ awuĩ ebui alo asɛnɛ elete atɛ bazã ɔlɛ mɛ. Pɔ bagɛ alɛ enye bafɔnɔ akpɛ Obhoshieyiɛ ɛkpã eplukpa mɛ ete ko balɛ abazã ɛkɛlɛ.

Kibui Bubú Kasɛ 17:8

Agãhoeɛ gɛ ɔmɔɔ, atɛzã eɖi, otsiɛ xɔnɔ abha ma, kɛlɛ ebekoeyì ede ozĩ dzudzuɔ mɛ aba pɛ bebèyíi. Banunɔ gɛ alɛ esiakpa nabha, pɛ bagɛ fɔnɔ balɛ enye akpɛ ɛkpãelete nɛeplukpa mɛ odenɔ kibeɛ gɛ kanɔ alɛ akpɛ esiɛ, kɛbabhɛtɛ alɛ ibi, onupɛ bamɔ agãhoeɛ. Ɔmɔsɛ atɛzã eɖi kɛlɛ abha ma, pɔ azababa.

Filipianɛ 4:2

Ɛɛkɔ Ewodia nɛ̀ Sintixe ɛtakpu sɛ tɛ nɔolũ bagɔlɔ esi nɛ Apaleteɛ mɛ.

Romanɛ 16:12

Sɛnɔ Trifaena nɛ̀ Trisofa gɛ benu banunɔ gɛ bazadɛ axɔ̃ɛ akɔ Apaleteɛ. Sɛnɔ mɛɔbhia Persis, anɔ gɛ akpɛ emi nɛ Apalete nɛxɔ̃ɛ wɔawɔa mɛ.

Romanɛ 16:9

Sɛnɔ Urbano, anunɔ gɛ azadɛ Kristo axɔ̃ɛ nɛ̀ mɛ, nɛ̀ Staxis anunɔ gɛ ɛdɛmɛ nɔɔ.

Romanɛ 12:1

Mɛelɛ alɛ mɔ, nɛ Owusoso Akaa yɛashagabui nɛidi gɛeɖi ɔlɔ nɔ soɔ, ɛkpalà ɔnɔ ɔsɛ tɛ nɔlɔkɔ ishu ɔbhɛtɛ asɛ bɔdɔ̃ pɔpɔɛ gɛlɛ nɛkpã ana, gɛ ɛlɛishu dalɛ pɛ Owusoso Akaa adɛmɛ nɔɔ, kɛlɛinu wɔnɔ ɔfɔfuĩa mɛ ɛtakpu esi kpɛkpɛ.

Kibui Bubú Kasɛ 20:12

Kɛlɛ ɛmɔ banɔ tsitsí, besheshè nɛ̀ bunuvɔɛ gɛ bazã itití nɛ ekusiegbuɔ otugbà, kɛlɛ badalɛ uplukpa mɛ elu. Baza dalɛ eplukpa bhlatɔ tsyɛ gɛenu ɛkpã eplukpa. Bekulu ebhu nɛ̀ banɔ tsitsíɛ nɛ kɛzã gɛ bazã nɛ ɛkpã, pɛ bafɔnɔ elu nɛ buplukpa mɛ nulũ.

Koloseanɛ 1:7

Nɔ kpasɛ ɛlɛ odenɔ Epafro bɔlɔ adzya gɛ aadɛ axɔ̃ɛ aplɛnɔ ɔlɔ ɔkɔ, anɔ gɛ aɖɔ tɛyɛyɛkɛŋã ebui nɛ ɔlɔ ɛtakpu,

Kibui Bubú Kasɛ 20:15

Onupɛ bágɛmɔ anɔ teli yɛinye sɛ bafɔnɔ ɛlɛ akpɛ ɛkpãeplukpa mɛɛ, balɔkɔ yɛatɛ́ akpɛ kifu ɔɖɛklɛmɛ nɔ mɛ.

Filipianɛ 1:5

nɛ wɔnɔ ɔha axɔ̃ɛ nɛ̀ kibui gbangbã mɛ odenɔ kiwuiɛ gɛiputɔ nabha ɔlɔkɔ mana otsiɛ,

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Filipianɛ 1:12

Mɛadzya alɛ mɔ, otsiɛ nɔ, ɛpɛɛ sɛ nɔotì ɔsɛ kɛgɛ ba mɛabha kɛlɛ vɛnɔ kibui gbangbã nɛ Otugba.

Filipianɛ 1:16

Banɔ ebelũ ɛlɛ mɛ kidegba nɛ tɛdɛdɛmɛ nɔ mɛ ɔsɛ, bakpɛ mɛ nɛ ɛkɛlɛ̀ asɛ tɛ mɛba wlɔ̃akɛ kibui gbangbã nɛtakpu.