Filipianɛ 4:12 - Nyangbo New Testament

¹² Inyi idzi gɛ kidzi nɛ kɛdɔ̃ pɛpɛ ibè, kɛlɛ inyi kana gɛ kidzi tɛ bɔdɔ̃ kpekpè tsyɛ zã wɔahɔɛ. Ɛkpasɛ kibui kpukpũɔ gɛ kpasɛ kiku gɛ kɛdɔ̃ ku anɔ awɔ̃ nɛ kibui ka nyia ka ɛdì mɛ, onupɛ bakɔ wɔ kɛŋaŋã oxui alo bɔbhɛ yì wɔ tsyɛ elo, onupɛ bɔdɔ̃ lɛ wɔahɔɛ alo kɛnanà ma wɔahɔɛ.

Filipianɛ 4:12 Referans Kwoze

Korintoanɛ 2 11:27

Ɛwɔa axɔ̃ɛ gagalĩ, kɛlɛ ɛmɔ bɔtɔ, kɛlɛ ɛzɛ gbã tɛwɔnɔ̃, ɛzanà bɔbhɛ nɛ̀ oluwɔɛ, kɛlɛ ɛzɛ fala kɛdɔ̃ maŋamaŋã, bɔbɔlɔ ziyi mɛ kɛlɛ ɛzã kɛdɔ̃ makpɛ makpɛ.

Korintoanɛ 2 11:9

Kɛlɛ kibeɛ gɛ ɛzã wɔnɔ ɔbha pɛ ɛzɛpɛ kɛdɔ̃ tiliɛ, igidzi bɔtɔ ɔkɔ ananà, ɔmɔsɛ badzya gɛede Makedonia nɔ bakɔ mɛ mɛɔdɔ̃ pɛpɛ nɔ. Ɛgɛpɛ sɛ tɛ mɛidzì bɔtɔ ɔkɔ wɔnɔ nɛ kidzo nanà abha, kɛlɛ ɛbazã kɛlɛ abha zɛbhɛtɛ ana.

Korintoanɛ 2 11:7

Kibui kpa kinu ɔkɔ mɛ ɔsɛ tɛ̀ izhinì mɛishu esi tɛ ɛbhɛtɛ wɔnɔ nowu kabha ɔganà Owusoso Akaa kibuiɛ gbangbã tɛɖɔɖɔ otseɖe wɔnɔ kɛbhɛ mabuia mabuia mɛ dza?

Korintoanɛ 2 10:10

Ɔmɔsɛ beteli aɖɔ asɛ, “Bupù kpasɛ yɛ buplukpa mɛ kɛlɛ butũ kibui ɔkpɛ banɔ ulũ, pɔ nɛ yɛɔkɔɔ xɔnɔ atɛ akpɛ̀ banɔ kemi kɛlɛ yɛebuiɖɔɖɔ tsyɛ atɛ avɛ ɔkɔ nanà.”

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.