Filipianɛ 4:1 - Nyangbo New Testament

¹ Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Filipianɛ 4:1 Referans Kwoze

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Korintoanɛ 1 16:13

Nɔoɖi wɔnɔ shu abha piapii, nɔzã gagalĩ nɛ tɛyɛyɛkɛŋã mɛ, nɔodzi banyɛ gɛ bakpɛ̀ kemi, nɔzã gagalĩ.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Filipianɛ 1:8

Owusoso Akaa abalà dalɛ ɛlɛ mɛ nɛ kana gɛ ɛpɛ sɛ mɔ̃ ɔnɔ nɛ̀ tɛdɛdɛmɛ nɔ gɛlɛ Kristo Yesu mɛ.

Hebrianɛ 10:23

Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Timoteo 2 2:1

Wɔ, mɛeyianyɛ, zã gagalĩi nɛ tibhui bhuibuɔ gɛ kpasɛ Kristo Yesuɔ mɛ.

Filipianɛ 2:26

Edzè gɛ aka mɔ ɔnɔ ɖi, kɛlɛ ɔwɔ̃nyɔnɔ ɔkpasɛ yɛ mɛ ɔmɔsɛ nɔolũ ɔsɛ yɛishumɛ zĩ.

Korintoanɛ 2 1:14

asɛ kana gɛ nɔolũ ɔlɔ esi nɛ ebuiɛ teli mɛɛ, nobolũ alɛ petee esi pɛ nobotũ etelũ nɛ bɔlɔ ɛtakpu asɛ kanà gɛ bɔlɔ tsyɛ tũ etelũ nɛ Apalete Yesu kiwuiɛ nabha.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Petro 2 3:17

Klisoɔ, mɛ ɔbhia alɛ gɛ ɛdɛmɛ nɔ, gɛ nonyi kibui ɛlɛ soɔ, nɔzã nawɔ̃ sɛ tɛ̀ bagɛ betie shù ɔshaa atɛba gbanà wɔnɔ ata esi, tɛ̀ nɔotibo dɔ oboe nɛ ɔzãkɔ gɛ nodzi gagalĩɛ.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Tesalonikanɛ 2 2:15

Klisoɔ, mɛadzya alɛ mɔ, nɔzã gagalĩi nɛ bɔdɔ̃ kakasɛ gɛ bɔlɔkɔ kpɛ wɔnɔ ahɔɛ mɛ, onupɛ kizidzì olugbũ mɛibui alo keplukpa fɔfɔnɔ mɛ tsyɛ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.