Filipianɛ 3:8 - Nyangbo New Testament

⁸ Kɛgɛ zɛdɛɛ, ɛlɔkɔ ɛlɛ sɛ ɛgɛ mɔ̃ kɛnanà odenɔ kɛxɔ̃ɛ ɛlɛ mɛ, nɛ gɛinu kibui hohoe ɔdɛ ɔkɔmɛ sɛ ɛmɔ̃ Kristo Yesu gɛenu mɛ Apaleteɛ gɛ yɛ shu so pɛ ɛga mɔ̃ kɛdɔ̃ nanà nɔ. Ɛmɔ ebui alɛ sɛ tɛwɔnɔ̃ ete lenu sɛ tɛ ɛmɔ̃ Kristo

Filipianɛ 3:8 Referans Kwoze

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Filipianɛ 3:7

Pɔ kɛgɛ ɛta mɔ nɛ ebui alɛ mɛɛ, Kristo soɔ ɛga mɔ alɛ.

Filipianɛ 3:10

Ɛpɛ sɛ tɛ mɛiti Kristo nɛ̀ ohumi nɔ gɛ ɔlɔkɔ yɛalɔ edenɔ bekpuɔ mɛ, nɛ̀ ɔhakpɛkpɛ gɛ ɔkɔ sɛ bɔmɔ ɔtɔ ɔlɛ plɛni, tɛ budzi asɛ yɛ ana nɛ yɛutsi mɛ,

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Efesoanɛ 4:13

odiyinɔ ɔsɛ bɔlɔ petee tɔnɔ tenikpo bhɛbhɛtɛ nɛ tɛyɛyɛkɛŋã mɛ, nɛ̀ Owusoso Akaa Yɛeyiɛ kibuititiɛ mɛ pɛ bushè, pɛ bɔlɔ tɛzazã petee tsyinà gɛ ná nɛ Kristo mɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Timoteo 2 4:6

Ɔmɔsɛ batɛ lɔkɔ mɛ xɔnɔ a kpɛ ahɔɛ asɛ beyí, kɛlɛ kibeɛ na kɔmɛ tɛshɛshɛ.

Yohanes 1 2:19

Bekoeyì nɛ bɔlɔ ishi, pɔ betinù banɔ tsyɛ gɛ akpasɛ bɔlɔ ishi. Ɔmɔsɛ pɛ otɛ ɔsɛ bɔlɔ ishi bakpasɛɛ, tsyɛ alo batɛ azã bɔlɔ mɛ̀, pɔ balɛ tɛshɛshɛ kasɛ sɛ̀ balɛ ɔmayɛmɛ nanà ama bɔlɔ ishi.

Petro 1 2:7

Otsiɛ nɔ wɔnɔ bagɛ ɔyɛkɛ ɔŋãa, kɛklagbu ɛlɛ yɛkɛ kedzi ɔkɔ ɔnɔ. Pɔ bagɛ agɛ yɛkɛ ɔŋã xɔnɔ, “Kɛklagbuɔ gɛ bevũbhɔ atɛɛ elúɔ kɛlɛ badzì odekrekpu kɛklagbuɔ,

Galatianɛ 1:16

ɔsɛ tɛ ebu Yɛeyi Anyɛɛ akasɛ ɔgana mɛabha, tɛ mɛdɛ ɖɔ yɛibuiɛ nɛ bagɛ etinu Yudanɛ nɛishi, ɛgɛ yɛkɛ kibuititì odenɔ ananà ɔkɔ,

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Korintoanɛ 1 9:10

Kibui gbã bɔlɔ yɛaɖɔ ebui alɛ etseɖe? Kibui gbã, bɔlɔ bafɔnɔ ebui alɛ elú akɔ, ɔmɔsɛ onupɛ ayadɛ nɛ̀ agɛ yɛetù amɔ ebetu amɔ́ɔ, kɛlɛ ɔsɛ babhɛtɛ ana sɛ tɛ aka nyia aka amɔ ɔŋãkɔ nɛ kɛxɔ̃ɛ wɔawɔa mɛ.

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Filipianɛ 3:12

Gɛnɛ sɛ gɛ mɛahɔɛ atɛdɔ ebui alɛ pete abha, alo gɛ batɛ bhɛtɛ mɛ mɛidzì anɔ nanà, pɔ ɛwlɔãkɛ sɛ tɛ mɛahɔɛ adɔ kɛgɛ kɛlɛ shu so pɛ Kristo ahɔɛ adɔ mɛ abha.

Petro 2 1:2

Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ ɔganà Owusoso Akaa nɛ̀ bɔlɔ Apalete Yesu kibui titìɛ mɛ̀.

Petro 2 1:8

Ɔmɔsɛ onupɛ ɛkpã gbangbã ɛlɛ nɛidi lɛ wɔnɔ ahɔɛ nɛ tikpekpè mɛɛ, kɛbà kɔ ɔsɛ wɔnɔ axɔ̃ɛ wɔawɔa avɛ kabha nɛ bɔlɔ Apalete Yesu Kristo yɛibui titìɛ mɛ.