Filipianɛ 3:12 - Nyangbo New Testament

¹² Gɛnɛ sɛ gɛ mɛahɔɛ atɛdɔ ebui alɛ pete abha, alo gɛ batɛ bhɛtɛ mɛ mɛidzì anɔ nanà, pɔ ɛwlɔãkɛ sɛ tɛ mɛahɔɛ adɔ kɛgɛ kɛlɛ shu so pɛ Kristo ahɔɛ adɔ mɛ abha.

Filipianɛ 3:12 Referans Kwoze

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Yakobo 3:2

Bɔlɔ pete ɛta esi nɛ ebui gelee mɛ. Onupɛ anɔ teli atɛtà esi nɛ kɛgɛ aɖɔ mɛɛ, kɛlɛ anɔ alɛ ana piapii, kɛlɛ abalà eɖi yɛishu pete tsyɛ abha.

Hebrianɛ 12:14

Nɔgã idzo ka nyia ka abha tɛ nɔzã nɛ ishu yɔyɔ mɛ nɛ̀ anɔ ka nyia ka tɛ wɔnɔ shu dalɛ, ɔmɔsɛ onu anɛ tɛdadalɛ mɛɛ, anɔ nanà atɛ balà amɔ Apaleteɛ.

Galatianɛ 5:17

Ɔmɔsɛ kɛgɛ kanɔ mɛ ebui kpa adɛmɛ nɔ agã ɔtɔ nɛ agɛ Ɔfɔfuĩa nɔ dɛmɛ nɔ shu, kɛlɛ Ɔfɔfuĩa nɔ tsyɛ ɔgã ɔtɔ nɛ kɛgɛ kanɔ mɛ ebui kpa adɛmɛ nɔ. Balɔɛtití nɛ bagɔlɔ shu, sɛ tɛ ɔtɛ bhɛtɛ kɛgɛ ɔpɛɛ nɔ.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Korintoanɛ 2 13:9

Same eku ɔlɔ gɛ onupɛ bubotsoɔ, pɔ wɔnɔ xɔnɔ ɔgagalĩ, kɛlɛ bɔlɔ Owusoso Akaa tikukulu lɛ ɔkɔ wɔnɔ tɛpɛpɛ̃.

Korintoanɛ 1 13:10

pɔ onupɛ ebuiɛ gɛaná ebekoeyìɛ, agɛ agɛna abayalà.

Tesalonikanɛ 1 5:15

Noɖi kɛlɛ ɔkɔ sɛ ananà agɛ lɔkɔ kibui kpa abuia kɛbhɛ akɔ kibui kpa nɔ, pɔ nɔkpɛ kemi ɔsɛ nɔbhɛtɛ ɛyamɛ gbangbã ɔkɔ bagɔlɔ nɛ aka nyia aka tsyɛ.

Timoteo 1 6:19

Nɛidzo ɛlɛ abhaa, bebe shogò ehoeyi ɔdɔ̃ akɔ balɛishu asɛ buvũ esi kpɛkpɛ ɛklagbu gɛ gagalĩ ɔkɔ kibèɛ gɛbaa, sɛ tɛ bamɔ ɛkpã gɛ ɛlɛinu ɛkpã gbangbã.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Hebrianɛ 12:23

Nɔba, wɔnɔ ɔhamɛeyi gɛ oputɔ, bagɛ alɛ enye bafɔnɔ elu nɛititíɛ. Nɔba Owusoso Akaa, gɛ yɛekulu ebhu nɛ̀ anɔ nyia anɔ, nɛ̀ banɔ gbangbã ɛfɔfuĩa nɔ gɛ babhɛtɛ piapii nɔ,

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Korintoanɛ 1 9:24

Nɔ otinyi ɔsɛ nɛ tɛtsɛɖɛmɛ tibubu mɛɛ, banɔ nɔ nyɔ̃ɔ ebu tɛtsɛɖɛmɛ, pɔ anɔ tenikpo ko yɛaŋã kabha dza? Nɔobu tɛtsɛɖɛmɛ nɛ kidzoɔ gɛ kɛlɛ abha nɔbɔmɔ kabha ŋaŋã.

Korintoanɛ 1 13:12

Otsi buɖi ebuikukuɔ asɛ ahuhɔ̃ɛ gɛeɖì ɔlɔ pɛ bɔlɔ tsyɛ iɖì yɛanà, kɛlɛ bɔbàɖi bamɛ nɛ̀ bamɛ. Otsiɛ ebuiɛ kawɔ̃pɛ ete mɛinyi, kɛlɛ ɛbàtì alɛ petee, asɛ kana gɛ benyi mɛtsyɛ ana.

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Filipianɛ 3:8

Kɛgɛ zɛdɛɛ, ɛlɔkɔ ɛlɛ sɛ ɛgɛ mɔ̃ kɛnanà odenɔ kɛxɔ̃ɛ ɛlɛ mɛ, nɛ gɛinu kibui hohoe ɔdɛ ɔkɔmɛ sɛ ɛmɔ̃ Kristo Yesu gɛenu mɛ Apaleteɛ gɛ yɛ shu so pɛ ɛga mɔ̃ kɛdɔ̃ nanà nɔ. Ɛmɔ ebui alɛ sɛ tɛwɔnɔ̃ ete lenu sɛ tɛ ɛmɔ̃ Kristo