Filipianɛ 3:11 - Nyangbo New Testament

¹¹ klisoɔ, nɛ ɔkɔ toliɛ, tɛ mɛtsyɛ mɔ tɛlɔlɔ denɔ bekpuɔ mɛ.

Filipianɛ 3:11 Referans Kwoze

Kibui Bubú Kasɛ 20:5

(Banɔ tsitsí gɔgɔ̃ɛ nɔ xɔ̃nɔ egi tsodzi anyɛmɛ ɔvɛnɔ kibeɛ gɛ agɔ ohotu zɛzɛ̀ ulũ bafala.) Kɛlinu tɛlɔlɔ́ odenɔ bekpuɔ mɛ gɛiputɔ.

Banɔkpɛkpɛ Axɔ̃ɛ 26:7

Kibui tɔtɔɖɔlu ɛlɛ shù, bɔlɔ egbogbo lɔfɔ nɛ̀ taabha eɖì kidzo mɛ ɔsɛ kɛbà ba ɛlɛ mɛ sopɛ baakpɛ kɛtakpu esi akɔ Owusoso Akaa kemuze nɛ̀ elishi. O Ekusi, kibui ɛlɛ gɛ buɖì kidzo mɛ kɔ sopɛ Yudanɛ alɔkɔ kibui nɛ mɛishu.

Banɔkpɛkpɛ Axɔ̃ɛ 23:6

Kɛlɛ Paulo, gɛenyi asɛ balɛ mɛ beteli enu Zadukianɛ pɛ bagɔgɔɛ nɔ enu Farisianɛ soɔ, aɖɔaɖɔ gagalĩ etseɖe ɔhamɛ besheshèɛ asɛ, “Mɛadzya alɛ mɔ, Farisieyi mɛinu, inu eyianyɛ ɔkɔ Farisieyi. Bekulu kebhu nɛ mɛ ɔmɔsɛ iɖi otugbà mɛ ɔkɔ betsitsíɛ tɛlɔlɔ.”

Hebrianɛ 11:35

Banɔ teli anyɛmɛ beyi teli gɛ etsí flogo nɔ, pɛ bedzini alɛ akpɛ ahɔɛ akɔ balɛ elĩ alɛ. Bawɔa ɔfɔ̃ nɛ beteli shu, pɔ bagɛkɔ ɛtakpu asɛ tɛ bashɛnɛ ahɔɛ nɛ balɛishu, sɛ tɛ babamɔ tɛlɔlɔ gbangbã odenɔ bekpu mɛ.

Tesalonikanɛ 2 2:3

Nɔtɛkɔ anɔ nanà awɔɛ wɔnɔ ɔganà kidzo nanà abha, ɔmɔsɛ flogo tɛ kiwui ɛlɛ baà, kɛlɛ sɛ kititì lɔlɔ putɔ, kɛlɛ bebebu Satana akasɛ, anunɔ gɛ batɔɖɔ butsi elu akɔ.

Tesalonikanɛ 1 3:5

Nɛ kibui ɛlɛshu, gɛ ɛzaka là zã kɛlɛ ulũ soɔ, ɛkpɛ banɔ sɛ tɛ̀ milũ wɔnɔ tɛyɛyɛkɛŋã shu ebuiɛ. Kifu ziyi mɛ sɛ nɛ kidzo tili abhaa, Satana gɛ efeke banɔ eɖiɛ ebe feke wɔnɔ kɛlɛ bɔlɔ katsɛɖɛ bubuɔ abawɔ kɛlɛ́ɛ mɛ.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 1 9:27

Kɛmaɛlɛ mɛ ana, ɛkpɛ mɛ ishupiɛ bɔtɔ pɛ ɛbhɛtɛ ishu asɛ anɔ dzidzì ana, sɛ tɛ̀ onupɛ ɛɖɔ kibui gbangbã ɔkɔ banɔ nɔ̀ bekeɛ, betibè bumɛ eyinɔ ɔsɛ ɛgɛ na ɔsɛ tɛ̀ ɛyɛkɛ kikutuɔ.

Korintoanɛ 1 9:22

Onupɛ ɛkpasɛ bagɛ ebotso nishiɛ, ɛzã asɛ balɛ sɛ tɛ ibu alɛ. Idzi kɛdɔ̃ ka nyia ka ɛdi kɔ anɔ ka nyia ka sɛ tɛ gana kidzo ka nyia ka abha tɛ mɛibu balɛ banɔ teli.

Romanɛ 11:14

nɛ awɔ̃lulu sɛ ɛbalà nyɛmɛ mɛ kɛmadiɛ ginu Yudanɛ sɛ tɛ mɛlɔkɔ awuhũ dzadzã tɛ mɛibu balɛ anɔ teli.

Banɔkpɛkpɛ Axɔ̃ɛ 27:12

Gɛ kelĩabhaohuɔ ɔtsɛkɔ ɔtɛpɛ̃ nɛ ekukù mɛ soɔ, banɔ kpekpèɛ abadɛmɛ atɔɖɔ ɛlɛ abha sɛ bɔvɛ kidzoɔ tɛgagã nabha, kɛlɛ buziɖi kidzo mɛ ɔsɛ tɛ̀ budiku Foenike tɛ̀ bɔzã ɛkɛlɛ nɛ ekukùɔ mɛ. Ɛkɛlɛ onù kelĩabhaohu ɔtɔkɔ nɛ Kreta gɛ obu bamɛ ɔkpɛ kanɔ nɔ̀ bɔpialɛ gɛɔvɛ kiwuiɛ ɔdɔkɔ ɛbé nɛ̀ kanɔ nɔ̀ bɔpiabha ɔkɔ gɛɔvɛ̀ kiwuiɛ ɔdɔkɔ ɛbeɛ.

Korintoanɛ 1 15:23

Pɔ anɔ nyia anɔ nɛ yɛibè gɛ batɔɖɔ akɔɛ. Kristo gɛenu anɔ gɛiputɔ, gɛ onupɛ etsodzi aba ebefeke bagɛ benu yɛayɛ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.