Filipianɛ 3:1 - Nyangbo New Testament

¹ Gɔgɔɛ nɔ mɛadzya alɛ mɔ, nɔmɔ same nɛ Apaleteɛ mɛ. Kitinu bɔtɔ ɔkɔ mɛ sɛ iwlui kaa fɔnɔ ebui alɛ sɛsɛ ɔnɔ, kɛlɛinu kibui gɛ ba po ɔnɔ.

Filipianɛ 3:1 Referans Kwoze

Filipianɛ 4:4

Nɔmɔ same nɛ Apaleteɛ mɛ kibe nyia bè, iwlui kaɖɔ ɛlɛ sɛ, nɔmɔ same!

Romanɛ 5:11

Anɛ kɛlɛ ete ko, pɔ bɔmɔ same tsyɛ nɛ Owusoso Akaa mɛ ɔgana bɔlɔ Apalete Yesu Kristo abha, anunɔ gɛ yɛabhaa bɔgã, pɛ bɔmɔ tenikpo bhɛbhɛtɛ.

Yakobo 1:2

Mɛadzya alɛ mɔ, onupɛ tifefekeɖi ediedi aba ɔnɔ abhaa, nɔkɔ ilidzi same ibui kɔ ɔnɔ,

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Tesalonikanɛ 1 5:16

Nɔmɔ samɛ kibe nyia be,

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Petro 2 3:1

Mɛ ɔbhialɛ gɛ ɛdɛmɛnɔ, mɛ eplukpa bhlàa gɛ ɛfɔnɔ kɔ wɔnɔ nɛ alɛ. Nɛ buplukpa tɔbhaa gɛ ɛfɔnɔ sɛsɛ wɔnɔ mɛɛ, ɛlɔkɔ bakà wɔnɔ nɛ ebui alɛ shu tɛ wɔnɔ ekpeɖekpeɖe bhɛbhɛtɛ mɛ ana.

Efesoanɛ 6:10

Gɔgɔɛ nɔ, nɔzã gagalĩ nɛ Apaleteɛ mɛ, nɛ̀ yɛohumi nɔ gɛɔdɛ.

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Tesalonikanɛ 1 4:1

Otsi alɛ mɛ adzya alɛ mɔ, bɔkɔ wɔnɔ ɔsha nɛ kana gɛ nɔbɔzã nɛ̀ ɛkpã pɛ lɛba shɔnɔ Owusoso Akaa, asɛ ɛkpã gɛ nodzinɔ. Otsi nɔ bubisi denɔ wɔnɔ ahɔɛ mɛ kɛlɛ bɔkpalà wɔnɔ nɛ Apaleteɛ Yesu mɛ tɛ nɔbhɛtɛ kana odzinɔ bhɛtɛ.