Filipianɛ 2:9 - Nyangbo New Testament

⁹ Kliso Owusoso Akaa ewunu yɛatɔɖɔ ɔɖaɖama ɔkɔ ɔdɛ kɛlɛ akɔyɛ yɛinyèɛ gɛ ɖama ɔdɛ kinye ka nyia ka ɛdi,

Filipianɛ 2:9 Referans Kwoze

Kibui Bubú Kasɛ 19:16

Bafɔnɔ kinye ɛlɛ nɛ yɛakpɛkpɛ dzlolo nɛ̀ ɛtsrɛta nabha asɛ, BEKUSI ABHA EKUSI NƐ̀ BAPALETE ABHA APALETE.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Hebrianɛ 2:9

Pɔ bɔmɔ Yesu, anunɔ gɛ bezhinɔ yɛesi ibɔɛ adɛ baxɔ̃ɛdɛɛ, otsi alɛ Owusoso Akaa akɔɛ ishu dadalɛ, pɛ akpɛ yɛinye nɛitití, ɔmɔsɛ yɛamɔ bɔtɔ pɛ etsí. Kɛlɛ nɛ Owusoso Akaa yɛ tibhui bhuibu nulũɔ, tɛ ètsí nɛ anɔ ka nyia ka yɛulũ.

Kibui Bubú Kasɛ 5:12

Bazazhã ɔdzɛ nɛ̀ ozĩ asɛ, “Obhoshieyiɛ gɛ beyiɛ, ɔlɛ ɔshɔnɔ ɔsɛ, tɛ lɔyɛkɛ ohumi, ehoeyiudɔ̃, bùbuti, nɛ̀ bupu kinye kpɛkpɛ nɛitití, tɛdadalɛ nɛ̀ same kpɛkpɛ!”

Hebrianɛ 1:4

Kliso ebedzi anɔ gɛ aɖama adɛ yɛaxɔ̃ɛdɛɛ, ɔmɔsɛ kinyeɛ gɛ bakɔɛ ɛɖama dɛ balɛ ɛyɛ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Kibui Bubú Kasɛ 3:21

Anunɔ gɛ aŋã abhaa, ɛbakɔ yɛidzo yɛazã aplɛnɔ mɛ nɛ mɛekusiegbu nabha, ɔmɔ asɛ kɛŋã gɛ ɛŋã abha, pɛ izhidzi plɛnɔ Mɛakaa, nɛ yɛekusiegbu nabha.

Kibui Bubú Kasɛ 11:15

Axɔ̃ɛdɛ gegenemiɛ abɔ yɛexoele nɔ, kɛlɛ izĩ kpɛkpɛ gagalĩ yi nɛititíɛ ɔsɛ, “Kanɔ mɛ ukusi ŋaŋãa tsyina dzi bɔlɔ Apaleteɛ, nɛ̀ yɛ Kristo ɔyɛ, kɛlɛ yɛabaŋã ukusiɛ ovɛnɔ tihɔ, tihɔ.”

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Petro 2 1:17

Ɔmɔsɛ ayɛkɛ kinye kpɛkpɛ nɛitití nɛ̀ ishu dadalɛ odenɔ Owusoso Akaa ɔkɔ nɛ kibeɛ gɛ ozĩ oyì odenɔ Ohumi Ishudadalɛ Eleteɛ ɔkɔ ɔsɛ, “Mɛeyianyɛ nɛ alɛ, yɛibui mɛdɛmɛ, yɛ shu mɛmɔ same.”

Koloseanɛ 1:18

Kɛlɛ yɛenu kɛtakpu akɔ ishudzyaa nɛ̀ ɔhaa, yɛenu kesi kpɛkpɛ nɛ̀ eyi gɛiputɔ gɛ bamɔ̃ pɛ ede bekpuɔ mɛ aba, sɛ tɛ̀ nɛ kɛka nyia ka mɛɛ, yɛabà amɔ̃ ohumi adɛ.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Tesalonikanɛ 2 1:12

Buukulù Owusoso Akaa nɛ kibui ɛlɛ ɛtakpu sɛ tɛ̀ badalɛ Apaleteɛ Yesu kinye nɛ wɔnɔ mɛ, kɛlɛ wɔnɔ tsyɛ nɛ yɛ mɛ, nɛ kibhuiɛ gɛ bɔlɔ Owusoso Akaa nɛ̀ Apalete Yesu Kristo ebhui bɔlɔ buɔ nulũ.

Hebrianɛ 1:9

Ɔdɛmɛ nɔ nɛ̀ ɛkpã gbangbã, kɛtakpu mɛ gagalĩ xɔnɔ ɔgɛpɛ, kliso wɔ Owusoso Akaa edzu wɔ nɛ ɔɖaɖama ɔkɔ ɔdɛ wɔhayɛ ɔgana same bɔbɔ̀ sasará kɔwɔ mɛ.”

Yohanes 3 1:7

Kinyeɛ shu sopɛ bavɛ ada ɔnyɔ̃ɔ, pɔ batɛ amɔ tɛpɛplɛnɔ odenɔ bagɛ agɛ yɛkɛŋã ɔkɔ tsyɛ flogo.