Filipianɛ 2:5 - Nyangbo New Testament

⁵ Wɔnɔ ɛkpã zazãna zã ɔmɔasɛ kana gɛ Yesu Kristo yɛ tsyɛ lɛɛ ana.

Filipianɛ 2:5 Referans Kwoze

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Petro 1 4:1

Klisoɔ, gɛ Kristo abamɔ bɔtɔ nɛ ishupiɛ mɛɛ soɔ, wɔnɔ tsyɛ nɔ balɛ wɔnɔ ishu ɔkɔ ɛkpã zazãna ɛlɛ nɛidi, ɔmɔsɛ anunɔ gɛ amɔ bɔtɔ nɛ yɛishudzya mɛɛ, aŋã kibui kpa abha.

Korintoanɛ 1 10:33

asɛ gɛ ɛpɛ sɛ tɛ mɛiku aka nyia aka awɔ̃ nɛ kidzo ka nyia ka abhaa. Gɛnɛ mɛ ete tɛpɛpɛ̃ mɛpɛɛ, pɔ banɔ kpekpèɛ tɛpɛpɛ̃, ɔsɛ tɛ bayɛkɛ alɛ elù nɛkpã.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Romanɛ 15:5

Owusoso Akaa gɛ akɔ kemikpɛkpɛ nɛ̀ kité kpɛkpɛɛ, akɔ ɔnɔ tenikpo bhɛbhɛtɛ ɔfɔfuĩa asɛ banɔ gɛ alɛ Yesu ede anaa,

Banɔkpɛkpɛ Axɔ̃ɛ 20:35

Nɛ kɛka nyia ka gɛ ɛbhɛtɛ mɛɛ, ɛkasɛ wɔnɔ ɔsɛ̀ kɛxɔ̃ɛ gagalĩ ɛlɛ nɛidi wɔawɔa mɛ kɛlɛ ɔsɛ bɔplɛnɔ bagɛ ohumi ɔma balɛ ahɔɛ, ɛɛbakà ebui alɛ gɛ Apalete Yesu aɖɔ asɛ, ‘Tiyuyulà kpasɛ kɛdɔ̃ kɔkɔ mɛ ɔdɛ kɛdɔ̃ yɛyɛkɛ mɛ.’ ”

Romanɛ 15:3

Ɔmɔsɛ Kristo tsyɛ elo, agɛ babhɛtɛ kɛgɛ yɛadɛmɛ nɔ akɔ yɛishu, pɔ asɛ kɛfɔ̀nɔ gɛ bafɔnɔ kibuiɛ elu asɛ, “Akwalatuɔ gɛ banunɔ alɔkɔ akwala wɔ nɔɔ, aba yalɛ̀ mɛ.”

Romanɛ 14:15

Onupɛ kɛgɛ ɔŋãa, kɛkɔ ɔsɛ tɛ wɔele akpɛ ɔmɔpɔɛ nɔ, kɛlɛ ɔtsakɛ nɛ tɛdɛdɛmɛ nɔ nɛ̀ elé idzo abha. Tɛkɔ ɔsɛ wɔɛŋaŋã kizĩ anɔ teli yɛkpã, anunɔ gɛ yɛtakpu so pɛ Kristo ebetsíɛ.

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,