Filipianɛ 2:21 - Nyangbo New Testament

²¹ Ɔmɔsɛ aka nyia aka apɛ yɛishu tɛpɛpɛ̀, gɛnɛ Yesu Kristo ayɛ shu.

Filipianɛ 2:21 Referans Kwoze

Korintoanɛ 1 10:24

Ananà atɛpɛ yɛ tenikpo tɛpɛpɛ̃, pɔ apɛ kɛgbangbã akɔ babhlatɔ tsyɛ.

Filipianɛ 2:4

Wɔnɔ mɛ anɔ nanà etiɖì kɛgɛ apɛ akɔ yɛishu ete, pɔ eɖì kɛgɛ bapɛ̃ kɔ babhlatɔ tsyɛ.

Timoteo 2 3:2

Baanɔ abadɛmɛ nɔ nɛ̀ balɛishu, banɔ aba adɛmɛ nɔ nɛ̀ ehoeyi, bebetũ ahɔɛ nɛitélũ, bebe feke ishu, babà kwɔalà ɔdɔ̃, babà gagalĩ atɔ̃ mɛ nɛ balɛ elĩ nɛ̀ balɛ akaa alɛ shu, ahɔɛ mahumahu, ishu madalɛ madalɛ,

Korintoanɛ 1 10:33

asɛ gɛ ɛpɛ sɛ tɛ mɛiku aka nyia aka awɔ̃ nɛ kidzo ka nyia ka abhaa. Gɛnɛ mɛ ete tɛpɛpɛ̃ mɛpɛɛ, pɔ banɔ kpekpèɛ tɛpɛpɛ̃, ɔsɛ tɛ bayɛkɛ alɛ elù nɛkpã.

Korintoanɛ 1 13:5

Tɛdɛdɛmɛ nɔ tɛbhɛtɛ̀ awuĩ ebui, tɛtɛ pɛ mɛ ete yɛ tɛpɛpɛ, tɛtɛ kpɛ ɔmɔpɔɛ nɛ̀ anɔ, tɛtɛ balɛ ebui kpa lu ɔkɔ anɔ.

Timoteo 2 4:10

Dema xɔnɔ gɛ adɛmɛnɔ nɛ̀ kanɔ alɛ mɛ soɔ, ashɛ ayɔlɔ mɛ avɛ Tesalonika. Kreske tsyɛ avɛ Galatia, kɛlɛ Tito tsyɛ avɛ Dalmatia.

Korintoanɛ 2 1:5

Kɛba gɛ Kristo yɛ bɔtɔ ba bɔlɔ ɛkpã mɛɛ, kidzo ɛlɛ nabha gana Kristo abhaa, ishumɛ yɔyɔ ɔkɔ bɔlɔ yuku balɛ.

Timoteo 2 4:16

Nɛ mɛ ishu ulũ bubuɔ gɛ iputɔ shuɔ, ananà agɛba plɛnɔ mɛ, pɔ aka nyia aka ashɛ ayɔlɔ mɛ. Batɛ̀ lɔkɔ ɛlɛ abuia kɛbhɛ akɔ alɛ nɔ.

Banɔkpɛkpɛ Axɔ̃ɛ 15:38

Pɔ kigiku Paulo xɔnɔ awã ana, ɔmɔsɛ atɛ shɛnɛ ɔhɔɛ nɛ balɛ ishu elu eɖi nɛ Pamfilia kɛlɛ, agavɛ ɛlɛ abha awɔa axɔ̃ɛ nɛ alɛ.

Banɔkpɛkpɛ Axɔ̃ɛ 13:13

Gɛ balɔ ede Pafoɔ, Paulo nɛ̀ yɛɔhayɛ eku kelĩabha ohu avɛ Perge nɛ Pamfilia bɔdɔ̃ mɛ, ɛkɛlɛ Yohanes Marko xɔnɔ ashɛ ayɔlɔ balɛ pɛ etsyina avɛ Yerusalem.

Timoteo 2 1:15

Onyi ɔsɛ aka nyia aka gɛ akpasɛ Asia ɔdɔ̃ mɛ ashɛnɛ ahɔɛ nɛ mɛishu, ɔlɔkɔ plɛnɔ Figelo nɛ̀ Hermogene tsyɛ.