Filipianɛ 2:2 - Nyangbo New Testament

² kɛlɛ nɔkɔ mɛ same mɔmɔ ana nɛ bɔlɔ ekpeɖekpeɖe tenikpo tɛbhɛbhɛtɛ shu, gɛ tɛdɛdɛmɛ nɔ tinikpo ɛlɛ lɛ ɔlɔ ahɔɛ, pɛ bɔlɛ tenikpo nɛ ɔfɔfuĩa nɛ̀ ebui tɔtɔɖɔ mɛ.

Filipianɛ 2:2 Referans Kwoze

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Korintoanɛ 1 1:10

Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Yohanes 3 1:4

Same mɔmɔ hohoe nanà abhama mɛahɔɛ ɔdɛ sɛ tɛ̀ ilũ sɛ mɛeyi alɛ aagã nɛ kibui gbã mɛ.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Yohanes 2 1:4

Kɛkɔ mɛ same gbagbla sɛ ɛmɔ wɔnɔ eyi alɛ teli sɛ bagã nɛ kibui gbã mɛ, asɛ kana gɛ Akaa akpɛ ɔsha akɔ wɔnɔ ana.

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Koloseanɛ 2:5

Ɛma ɔnɔ ɔbha nɛ ishupi mɛ tsyɛ elo, ɛlɛ wɔnɔ ɔbha nɛ ɔfɔfuĩa xɔnɔ mɛ, kɛlɛ ɛpɛ sɛ mɛitì kɛlɛ gɛ wɔnɔ tɛyɛyɛkɛŋã lɛ gagalĩ nɛ Kristoɔ mɛ.

Filipianɛ 4:2

Ɛɛkɔ Ewodia nɛ̀ Sintixe ɛtakpu sɛ tɛ nɔolũ bagɔlɔ esi nɛ Apaleteɛ mɛ.

Filipianɛ 2:20

Ananà bhama mɛahɔɛ ɔdɛ yɛ, gɛ alɔkɔ kibui nɛ wɔnɔ tɛpɛpɛ shu kɛgbãa.

Korintoanɛ 2 7:7

kɛlɛ gɛnɛ yɛtɛbaba ete, pɔ nɛ ishumɛ yɔyɔ gɛ nɔlɔkɔ ɔkɔɛ shu so. Etseɖe bɔlɔ kana gɛ nɔpɛ ɔsɛ tɛ nɔmɔ mɛɛ, wɔnɔ ɔwɔ̃nyɔnɔ gbagblaa, kanà gɛ nɔbhɛtɛ ekpeɖekpeɖe mɛ nɛ mɛishuɔ, sɛ tɛ̀ mɛ samɛ mɔmɔ ekpè adɛ kana gɛ azã.

Korintoanɛ 2 2:3

Ɛfɔnɔ keplukpa asɛ kana gɛ ɛbhɛtɛ sɛ onupɛ ɛbaa, ɛtɛba nyɔnɔ awɔ nɛ bagɛ kɛlɛ sɛ bakpɛ mɛ sameɛ shu. Ɛyɛkɛ wɔnɔ petee abha ŋã, sɛ wɔnɔ nyɔ̃ɔ wɔnɔ ɔbɔmɔ samè ɔplɛnɛ mɛ.

Banɔkpɛkpɛ Axɔ̃ɛ 5:12

Banɔkpɛkpɛ abhɛtɛ atsyindzye ebui gelee, nɛ̀ ebui gɛ labhɛtɛ kibì nɛ banunɔ nɛishi bamɔ. Kɛlɛ bayɛyɛkɛŋã petee ezeshogò nɛ Salomo Kagbaa mɛ.

Banɔkpɛkpɛ Axɔ̃ɛ 1:14

Banɔ alɛ nyɔ̃ɔ abhɛtɛ tenikpo nɛ Owusoso Akaa tikukulu mɛ kibe nyia be ɔplɛnɔ badzɛ, nɛ̀ Maria gɛenu Yesu yɛelĩ nɛ̀ yɛadzya alɛ.

Filipianɛ 1:4

Nɛ mɛ Owusoso Akaa tikukuluɔ ɔkɔ ɔnɔ petee mɛɛ, ikulu yɛ nɛ̀ same kibe nyia be

Timoteo 2 1:4

Ɛbakà ɛwɔmɛ gɛ ozobiɛ, kinu mɛ tɛpɛpɛ sɛ tɛ ɛmɔ wɔ, sɛ tɛ same eku mɛ tsyɛ.

Banɔkpɛkpɛ Axɔ̃ɛ 2:1

Gɛ Pentekoste kiwuiɛ baa, balɛ petee bazã kitsù nɛ ɔkɔ tonikpo.

Filimon 1:20

Mɛadzya, ɛpɛ sɛ tɛ ɛmɔ kɛdɔ̃ tili denɔ wɔahɔɛ mɛ nɛ Apaleteɛ inye mɛ, kɔ mɛituɔ dzi kɛvɔvɔ nɛ Kristo mɛ.