Filipianɛ 2:13 - Nyangbo New Testament

¹³ ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Filipianɛ 2:13 Referans Kwoze

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Korintoanɛ 2 3:5

Etinu asɛ gɛ bɔna nɛ kɛxɔ̃ɛ dɛdɛ mɛ ɔsɛ tɛ bɔyɛkɛ kɛdɔ̃ nanà kɔ bɔlɔshu, pɔ Owusoso Akaa yɛakɔ bɔlɔ kɛxɔ̃ɛ gbangbã tɛwɔawɔa ɛlɛ nɛidi.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Romanɛ 9:16

Kitinu anɔ teli yɛtɛdɛdɛmɛ ulũ alo yɛemikpɛkpɛ ulũ, pɔ kinu Owusoso Akaa yɛashagabui tiɖiɖi ulũ.

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Efesoanɛ 1:11

Yɛ mɛ bebu ɔlɔ tsyɛ, gɛ atɔɖɔ ɛlɛ asɛ ababhɛtɛ ɔlɔ akpɛ otugbà nɛ yɛ tɛtɔtɔɖɔ ulũ, anɔ gɛ yɛawɔa axɔ̃ɛ sɛ labhɛtɛ tenikpo nɛ kɛgɛ yɛatɔɖɔ nɛ̀ kɛgɛ yɛapɛ ulũ,

Korintoanɛ 1 12:6

Axɔ̃ɛ wɔawɔa ediedi tsyɛ alɛ, pɔ Owusoso Akaa xɔnɔ tenikpo yɛ awɔa alɛ nɛ banɔ nɔ petee mɛ.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Efesoanɛ 1:5

atɛ tɔɖɔ ɛlɛ ɔsɛ ababhɛtɛ ɔlɔ akpɛ otugbà tɛ budzi asɛ yɛeyi alɛ ana ɔgana Yesu Kristo abha, nɛ yɛ tɛpɛpɛ nɛ̀ tɛtɔtɔɖɔ ulũ,

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Romanɛ 9:11

Pɔ flogo tɛ baba mɔ́ taabhaeyiɛ alo pɛ babhɛtɛ kibui gbangbã tili alo kɛkpa, sɛ tɛ Owusoso Akaa ɛtakpu mɛ tɔtɔɖɔ lu nɛ yɛanɔ bubuɔ shu vɛ ɛlɛ abhaa,

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Banɔkpɛkpɛ Axɔ̃ɛ 11:21

Apaleteɛ ɔhɔɛ ɔzã balɛ abha, kliso banɔ kpekpè teli ayɛkɛ aŋã pɛ betsyina avɛ Apaleteɛ ɔkɔ.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.