Filipianɛ 2:12 - Nyangbo New Testament

¹² Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Filipianɛ 2:12 Referans Kwoze

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Hebrianɛ 4:11

Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.

Petro 1 2:11

Ɛbhia gɛ ɛdɛmɛ nɔ, ɛɛkpalà wɔnɔ, wɔnɔ asɛ beefù ana nɛ̀ bafafala nɛ kanɔ nɔ̀ mɛ, sɛ tɛ̀ nɔobu wɔnɔ ishu oyinɔ odenɔ tɛdɛdɛmɛ nɔ ebui kpa, gɛ laatà keyù nɛ̀ wɔnɔ atɔwuiɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Hebrianɛ 4:1

Kliso gɛ tɛtɔtɔɖɔ ɔkɔ yɛomoelekɔ mɛ tɛvɛvɛ tsiɖi lɛ abha soɔ, nɔkɔ bɔzã nawɔ̃ piapii sɛ tɛ wɔnɔ mɛ anɔ nanà atɛ bawɔɛ idzo.

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Korintoanɛ 2 7:15

Kɛlɛ yɛ tɛdɛdɛmɛ nɔɔ ɔkɔ wɔnɔ zɛbà gbogblo dɛ gɛ onupɛ abakà ɔsɛ wɔnɔ nyɔ̃ɔ olũ batɔ̃, pɛ nɔyɛkɛ yɛ nɛ̀ kifusisi nɛ̀ tishushukù mɛ.

Korintoanɛ 1 2:3

Ɛba wɔnɔ ɔkɔ nɛ tibobotsò nɛ̀ kifusisi mɛ, nɛ̀ tishushukù gbagbagbà mɛ.

Efesoanɛ 6:5

Banɔ dzidzi mɔ, nɔolũ atɔ̃ ɔkɔ ɔnɔ esiakpa abha apaleteɛ nɛ kɛtakpu esi kpɛkpɛ nɛ̀ kifu sisi mɛ, nɛ wɔnɔ etú dadalɛ mɛ, asɛ kana gɛ nobolũ atɔ̃ ɔkɔ Kristo ana.

Filipianɛ 1:5

nɛ wɔnɔ ɔha axɔ̃ɛ nɛ̀ kibui gbangbã mɛ odenɔ kiwuiɛ gɛiputɔ nabha ɔlɔkɔ mana otsiɛ,

Banɔkpɛkpɛ Axɔ̃ɛ 9:6

“Lɔ otsiɛ tɛ̀ ɔvɛ ɔmahohoeɛ mɛ, kɛlɛ bebètseɖewɔ kɛgɛ̀ kɛlɛ ɔsɛ̀ wɔbhɛtɛɛ.”

Filipianɛ 2:19

Ilù awɔ̃ nɛ Apalete Yesu abha sɛ ɛbàkpɛ Timoteo nɛ ɔnɔ ɔkɔ odunũ ɔlɛ, sɛ tɛ mɛtsyɛ mɔ same gɛ onupɛ ɛyɛkɛ ɔklasɔ̃ nɛ wɔnɔ shuɔ.

Korintoanɛ 1 4:14

Ɛtɛɛ́ fɔnɔ ebuiɛ alɛ kɔ ɔnɔ ɔsɛ tɛ ɛlɔkɔ kpɛ wɔnɔ awuĩ nɔ, pɔ tɛ̀ ɛlɔkɔ kpalà wɔnɔ, ɔmɔ asɛ mɛeyi alɛ gɛ ɛdɛmɛ nɔ ana.

Filipianɛ 4:15

Kidzo ɛlɛ nabhaa, asɛ gɛ wɔnɔ Filipianɛ onyi ɛlɛ anaa, nɛ kesikpɛkpɛ ewuiɛ gɛ atɛ ba fala mɛ gɛ nɔyɛkɛ kibui gbangbãa, gɛ ɛlɔ de Makedonia nɔɔ, ɔha tenikpo tsyɛ ɔgɛ lɔkɔ kɛnanà nɛ kɛdɔ̃ kɔkɔ nɛ ɛlɛ tɛyɛyɛkɛ mɛ, ɔdɛ wɔnɔ ete,

Banɔkpɛkpɛ Axɔ̃ɛ 16:29

Ɔɖavũ abha eɖiɖieleteɛ ebisi asɛ bamana efú, kɛlɛ abhɛtɛ zia vɛ edi zhi ekumu pɛ eshuku gbagbà nɛ Paulo nɛ̀ Sila otugbà.

Filipianɛ 1:6

gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.