Filipianɛ 2:1 - Nyangbo New Testament

¹ Onupɛ nɔmɔ̃ kemì kpɛkpɛ tieli odenɔ tenikpo bhɛbhɛtɛ nɛ Kristoɔ, onupɛ nɔmɔ ishumɛ yɔyɔ tili tsyɛ odenɔ yɛ tɛdɛdɛmɛ nɔ mɛ, onupɛ bɔkpɛ ɔha nɛ Ɔfɔfuĩa nɔ, onupɛ bɔbhɛtɛ ɛyamɛ yɔyɔ ebui pɛ buɖi banɔ ashagabui,

Filipianɛ 2:1 Referans Kwoze

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Yohanes 1 4:12

Anana akamɔ Owusoso Akaa eɖi, pɔ onupɛ bɔdɛmɛ agɔlɔ ibuiɛ, Owusoso Akaa abazã ɔlɔ mɛ kɛlɛ yɛ tɛdɛdɛmɛ nɔ bana nɛ ɔlɔ mɛ.

Korintoanɛ 2 13:14

Tɛ̀ Apalete Yesu Kristo tibhui bhuibuɔ, Owusoso Akaa tɛdɛdɛmɛ nɔ, nɛ̀ ɔhakpɛkpɛ nɛ̀ Ɔfɔfuĩa Gbangbã ɔzã ɔplɛnɔ ɔnɔ petee.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Galatianɛ 4:6

Gɛ beyì anyɛ nonu soɔ, Owusoso Akaa asɛsɛ Yɛeyianyɛ Ɔfɔfuĩa nɔ nɛ bɔlɔ etúɔ mɛ, Ɔfɔfuĩa nɔ gɛ okulu bɔdɔ̃ ɔsɛ, “Mɛakaa.”

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Yohanes 1 3:24

Bagɛ babhɛtɛ atɔɖɔ yɛɔsha nabha balɛ akpasɛ yɛmɛ, kɛlɛ yɛtsyɛ akpasɛ balɛ mɛ. Kana bɔbhɛtɛ pɛ buutì ɔsɛ akpasɛ bɔlɔ mɛ. Bunyi kibui ɛlɛ gana ɔfɔfuĩa nɔ gɛ ɔlɛ yɛakɔ ɔlɔ mɛ.

Yohanes 1 4:16

Kliso bunyi, kɛlɛ bɔkpà plɛnɔ Owusoso Akaa tɛdɛdɛmɛ nɔ nɛ̀ bɔlɔ. Owusoso Akaa enu tɛdɛdɛmɛ nɛ anɔ. Anunɔ gɛ edzinɔ yɛkpã nɛ̀ tɛdɛdɛmɛ nɔɔ, anɔ alɛ akpasɛ Owusoso Akaa mɛ, kɛlɛ Owusoso Akaa tsyɛ akpasɛ yɛ mɛ.

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Romanɛ 8:26

Kidzo ɛlɛ nabha ke Ɔfɔfuĩa nɔ ɔplɛnɔ ɔlɔ nɛ ɔlɔ tibobotsò mɛ. Butinyi kɛgɛ bɔbaɖɔ nɛ Owusoso Akaa tikukulu mɛ, pɔ Ɔfɔfuĩa nɔ ɔyɛkɛ ebuiɛ nɛ ɔlɔ lu nɛ tininimi gele gɛ olugbũ ɔtɛ bɔlà ɔɖɔɔ mɛ.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 6:18

Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.

Filipianɛ 1:8

Owusoso Akaa abalà dalɛ ɛlɛ mɛ nɛ kana gɛ ɛpɛ sɛ mɔ̃ ɔnɔ nɛ̀ tɛdɛdɛmɛ nɔ gɛlɛ Kristo Yesu mɛ.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Korintoanɛ 2 2:14

Pɔ ahɔɛhuhu yɛenu Owusoso Akaa ayɛ, anɔ gɛ agbana bɔlɔ kibe nyia be sɛ tɛ bɔŋã kabha nɛ Kristo mɛ, kɛlɛ gana bɔlɔ abhaa yɛ bubutì kɛlɛɛ huhuhuɔ fu vɛ ɔkɔ nyia ɔkɔ.

Korintoanɛ 1 15:31

Ɛtɔnɔ butsí kibe nyia be-mɛadzya alɛ kibui gbã mɛɖɔ-asɛ kana gɛ ɛmɔ same nɛ wɔnɔ kɛtakpu nɛ bɔlɔ Apalete Yesu Kristo mɛ.