Filipianɛ 1:6 - Nyangbo New Testament

⁶ gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.

Filipianɛ 1:6 Referans Kwoze

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Filipianɛ 1:10

sɛ tɛ nɔlà mɔ kɛgɛ pɛ̃ɔdɛ pɛ kɛlɛishu dalɛ pɛ bamɛ tsitsí ama ɛlɛ shu ɔvɛnɔ Kristo yɛiwuiɛ nabha.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Filimon 1:21

Gɛ ɛyɛkɛ wɔabha ŋã nɛ wɔ atɔ̃ lulũ shu so pɛ ɛfɔnɔ bɔdɔ̃ lɛ kɔ wɔ, ɔmɔsɛ inyi sɛ ɔbɔ bhɛtɛ ɔdɛ kana gɛ ibisiɛ.

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Tesalonikanɛ 2 3:4

Bɔyɛkɛ Apaleteɛ nabha ɔŋã sɛ notsiɖì ɛlɛ abha pɛ nɔbhɛtɛ, kɛlɛ nɔbɔ zã ɛlɛ abha ɔzɔbhɛtɛ ɔtɔɖɔ ɔsha gɛ bɔkpɛ kɔ wɔnɔ abha.

Koloseanɛ 2:12

gɛ bavɔbɔ wɔnɔ aplɛnɔ yɛ nɛ bulĩ kpɛkpɛ mɛ pɛ befeke wɔnɔ aplɛnɔ yɛ nɛ wɔnɔ tɛyɛyɛkɛŋã mɛ, ɔganà Owusoso Akaa yɛohumi nɔ mɛ, anɔ gɛ yɛefeke yɛ edenɔ bekpuɔ mɛ.

Korintoanɛ 2 7:16

Same eku mɛ, kɛlɛ ɛbalà yɛkɛ wɔnɔ abha ŋã.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Galatianɛ 5:10

Ilù awɔ̃ nɛ Apalete nabha sɛ nɔtɛ bɔmɔ kibui ɛlɛ ɔgana kidzo bhlatɔ abha. Anunɔ gɛ etsyinà ɔnɔ ekpeɖekpeɖeɛ mɛ, aba buia ɛlɛ shu ɛbhɛ, anunɔ ɛdi gɛ yɛenu tsyɛɛ o.

Petro 2 3:10

Pɔ Apaleteɛ nɛiwuiɛ babà asɛ kɛba gɛ ezĩ aba ana. Nɛ iwui ɛlɛ nabhaa, kititíɛ bayalà nɛ̀ ozĩ gagalĩ, kifu bapɔɛ kititì udɔ̃, kɛlɛ kesiakpa nɛ̀ kalɛ kɛka nyia ka batã.

Korintoanɛ 2 9:4

Ɔmɔsɛ onupɛ Makedonia eyì teli atɔnɔ mɛ aba ɛkɛlɛ pɛ abamɔ wɔnɔ ɔsɛ nɔgɛ balɛ̀ oluɔ, bɔlɔɔ xɔnɔ bɔtɛ baɖɔ kibui nanà nɛ wɔnɔ shu, ɔmɔsɛ kiwũi bayi bɔlɔ nɛ kana gɛ bɔyɛkɛ wɔnɔ abha ŋãa shu.

Korintoanɛ 2 2:3

Ɛfɔnɔ keplukpa asɛ kana gɛ ɛbhɛtɛ sɛ onupɛ ɛbaa, ɛtɛba nyɔnɔ awɔ nɛ bagɛ kɛlɛ sɛ bakpɛ mɛ sameɛ shu. Ɛyɛkɛ wɔnɔ petee abha ŋã, sɛ wɔnɔ nyɔ̃ɔ wɔnɔ ɔbɔmɔ samè ɔplɛnɛ mɛ.

Korintoanɛ 2 1:15

Kliso ɛyɛkɛ kɛlɛ abha ɔŋã, ɛtɔɖɔ ɛlɛ sɛ tɛ ɛbaɖí wɔnɔ putɔnɔ sɛ tɛ nɔmɔ ebui gbangbã taabha odenɔ kɛlɛ mɛ.

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.