Filipianɛ 1:5 - Nyangbo New Testament

⁵ nɛ wɔnɔ ɔha axɔ̃ɛ nɛ̀ kibui gbangbã mɛ odenɔ kiwuiɛ gɛiputɔ nabha ɔlɔkɔ mana otsiɛ,

Filipianɛ 1:5 Referans Kwoze

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Filimon 1:17

Kliso onupɛ ɔlɔkɔ mɛ asɛ wɔ ɔhagbo axɔ̃ɛwɔa ana, kɛlɛ yɛkɛ yɛ asɛ gɛ ɔbɔ yɛkɛ mɛ tsyɛ ana.

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Korintoanɛ 2 8:1

Mɛ adzya alɛ, otsiɛ nɔ bɔpɛ sɛ tɛ̀ notì gibhuiɛ gɛ Owusoso Akaa ebhui Makedonia ɔhaa ebuɔ.

Romanɛ 15:26

Makedonianɛ nɛ̀ Axayanɛ beshogò bɔdɔ̃ nɛ̀ same sɛ tɛ balɔkɔ aplɛnɔ betsyuitsyuiɛ galɛ banɔ dadalɛ nɛishi nɛ Yerusalemuɔ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Romanɛ 11:17

Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Filipianɛ 1:12

Mɛadzya alɛ mɔ, otsiɛ nɔ, ɛpɛɛ sɛ nɔotì ɔsɛ kɛgɛ ba mɛabha kɛlɛ vɛnɔ kibui gbangbã nɛ Otugba.

Filipianɛ 1:16

Banɔ ebelũ ɛlɛ mɛ kidegba nɛ tɛdɛdɛmɛ nɔ mɛ ɔsɛ, bakpɛ mɛ nɛ ɛkɛlɛ̀ asɛ tɛ mɛba wlɔ̃akɛ kibui gbangbã nɛtakpu.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Filipianɛ 2:22

Pɔ nɔonyi ɔsɛ Timoteo alɔkɔ yɛishu akɔ, ɔmɔsɛ asɛ eyi gɛ alɛ yɛakaa ɔbhaa, akpɛ kɛtakpu esi aplɛnɔ mɛ nɛ Owusoso Akaa ebuiɛ axɔ̃ɛ wɔawa mɛ.

Filipianɛ 4:3

Ee, kɛlɛ ibisi odenɔ wɔnɔ agɛ onu mɛ ɔhagbo axɔ̃ɛwɔa ɔkɔ ɔsɛ tɛ, nɔ plɛnɔ badzɛ alɛ gɛ gɛazã aplɛnɔ mɛ gagalĩi nɛ kibui gbangbã axɔ̃ɛ wɔawɔa mɛ, ɔlɔkɔ plɛnɔ Klemens nɛ̀ mɛ ɔhagbo axɔ̃ɛwɔa gɔgɔɛ nɔ, gɛ balɛ inyeɛ kpasɛ ɛkpã eplukpa mɛ.