21 Nɛ mɛ awɔ̃pɛ mɛɛ, Kristo mɛ lɛ nɛ̀ ɛkpã ɔkɔ kɛlɛ onupɛ its’ tsyɛɛ, ɛbamɔ kɛdɔ̃ tili.
Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.
Ɛɖɔ ɛlɛ sɛ bɔyɛkɛ bɔlɔ shu abha ŋã, kɛlɛ bɔba pɛ sɛ tɛ bukoeyi nɛ ishudzya ɛlɛ mɛ tɛ bɔdɛzã Apaleteɛ bɔpã mɛ.
Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.
Ɛkpasɛ alɛ taabha nɛishi, ɛpɛ sɛ tɛ ɛshɛ dɛzã Kristo ɔbha, gɛpɛ̃ ɔdɛ,
Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.
Klisoɔ buɖi kidzo mɛ kibe nyia be, kɛlɛ bunyi tsyɛ sɛ gɛ bɔkpasɛ ishudzya bɔpãlɛ mɛɛ soɔ, bɔlɛ odzlolo ɔkɔ nɛ Apaleteɛ shu.
Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.
Kɛlɛ ilũ ozĩ loyi odenɔ ititíɛ ɔsɛ, “Fɔnɔ ɔsɛ, beyula bagɛ bazã Apaleteɛ mɛ flogo pɛ betsíɛ, denɛ otsiɛ ɔvɛnɔ.” Ɔfɔfuĩa nɔ ɔɖɔ ɔsɛ, “Ee, bebèmoelɛ odenɔ balɛ axɔ̃ɛ wɔawɔa mɛ, ɔmɔsɛ balɛ axɔ̃ɛ wɔawɔa abazã alɛ ede avɛ.”
Kɛnanà tɛkɔ mɛitũ mɛitelũ ɖi, ɔdɛ Apalete Yesu Kristo yɛ butsi osiɛ shu ibui ete, gɛ ɔgana yɛabhaa bakpalà kanɔ nɔ̀ nɛ butsi osiɛ shu akɔ mɛ, kɛlɛ mɛtsyɛ kɔ kanɔ nɔ̀.
Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.
Ɔmɔsɛ aka nyia aka apɛ yɛishu tɛpɛpɛ̀, gɛnɛ Yesu Kristo ayɛ shu.
onupɛ edzi asɛ Paulo, Apolo pɛnɔsɛ Kefa tsyɛɛ, kanɔ mɛ alo ɛkpã alo butsí alo obo kanɔ nɔ̀ pɛnɔsɛ kagɛ kabàa, bɔlɛ petee wɔnɔ ɔyɛ bunù,
Onupɛ ɛbazã nɛ̀ ɛkpãa nɛ ishudzya mɛɛ, kɛlɛ ɛbadzi busi eyuyu gbangbã ɔkɔ mɛaxɔ̃ɛ wɔawɔa. Pɔ kiɖuwoe mɛbà lɔkɔ dza? Itinyi!