Filipianɛ 1:11 - Nyangbo New Testament

¹¹ Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Filipianɛ 1:11 Referans Kwoze

Hebrianɛ 12:11

Same atɛzã batɔ̃ ɛpɔbe nanà mɛ, bɔtɔ ɛbe kinu. Nɛ kɛlɛ idegba pɔɔ, kɛmana tɛzazã piapii nɛ̀ ishu yɔyɔ ɔkɔ bagɛ bazã tɛgbagbana niesiɛ.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Filipianɛ 4:17

Gɛnɛ sɛ gɛ ɛpɛ ɛdɔ̃ kɔkɔ so, pɔ iɖi kɛgɛ badzì tiyuyulà kɔ ɔnɔ.

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Tesalonikanɛ 2 1:12

Buukulù Owusoso Akaa nɛ kibui ɛlɛ ɛtakpu sɛ tɛ̀ badalɛ Apaleteɛ Yesu kinye nɛ wɔnɔ mɛ, kɛlɛ wɔnɔ tsyɛ nɛ yɛ mɛ, nɛ kibhuiɛ gɛ bɔlɔ Owusoso Akaa nɛ̀ Apalete Yesu Kristo ebhui bɔlɔ buɔ nulũ.

Efesoanɛ 5:9

tɛ nɔ pɛɛ kɛgɛ ikù Apaleteɛ sameɛ,

Efesoanɛ 1:14

gɛenu kɛdɔ̃ gɛ alɔkɔ akpɛ ide ɔkɔ ɔlɔ kaŋãsiɛ odiyinɔ kibeɛ gɛ bebu bagɛ enu Owusoso Akaa yɛanunɔ ɔkɔ yɛ tɛdadalɛ kpɛkpɛ nɛitití.

Korintoanɛ 1 10:31

Klisoɔ, onupɛ nɔŋã bɔdɔ̃ alo bɔwɔɛ alo kɛka nyia ka gɛ nɔbhɛtɛ, nɔbhɛtɛ kɛlɛ ɔkɔ sɛ tɛ̀ bakpɛ Owusoso Akaa nɛinyè nɛitití.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Efesoanɛ 1:12

sɛ tɛ ɔlɔ bagɛ idzì banɔ gɛeputɔ gɛ buɖì idzo mɛ ɔkɔ Kristoɔ, tɛ bɔzã ɔkɔ yɛishu dadalɛ tɛkpɛkpɛ nɛitití.

Korintoanɛ 2 9:10

Otsi nɔ, anɔ nɔ̀ gɛ yɛalɔkɔ bɔdɔ̃eyi akɔ anɔ gɛ yɛahɔɛ bɔdɔ̃eyi nɛ̀ kɛŋaŋã gɛ baŋã, yɛabakɔ asɛ wɔnɔ kibui gbangbã bhɛbhɛtɛ bɔdɔ̃eyi ɔbalɛ ɔkɔ ɔnɛ̀ɛ ɔtɔɖɔ, kɛlɛ abakɔ asɛ wɔnɔ tɛzazã piapi nɔ tsyɛ ba gbogblo ɔtɔɖɔ.

Romanɛ 15:28

Kliso onupɛ ɛdɛ kɛxɔ̃ɛ ɛlɛ, pɛ iɖi kɛlɛ ɔkɔ ɔsɛ bɔdɔ̃ ɔlɛ ku balɛ ahɔɛ mɛ ebekeɛ, ɛba bàgã wɔnɔ ɔkɔ fala vɛ Spania.

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.