Filimon 1:5 - Nyangbo New Testament

⁵ ɔmɔsɛ ilũ wɔ tɛyɛyɛkɛŋã nɛ Apalete Yesu abha nɛ̀ wɔtɛdɛdɛmɛ nɔ ɔkɔ bagɛ ayɛkɛ yɛabha aŋãa petee nɔ.

Filimon 1:5 Referans Kwoze

Koloseanɛ 1:4

ɔmɔsɛ bulu wɔnɔ tɛyɛyɛkɛŋã nɛ Yesu Kristo abha nɛ̀ wɔnɔ tɛdɛdɛmɛ nɔ gɛ nɔlɔkɔ ɔkɔ banɔ dadalɛ petee,

Efesoanɛ 1:15

Nɛ kibui ɛlɛ shu soɔ, odenɔ kibeɛ gɛ ilũ wɔnɔ tɛyɛyɛkɛŋã nɛ Apaleteɛ Yesu abha nɛ̀ wɔnɔ tɛdɛdɛmɛ nɔ ɔkɔ banɔ dadalɛ petee nɔ,

Korintoanɛ 1 16:1

Otsiɛ nɛ bɔdɔ̃yɛyɛkɛ ɔkɔ Owusoso Akaa nɔ shuɔ. Nɔbhɛtɛ kɛgɛ itseɖe Galiatia ɔhaa asɛ babhɛtɛ̀.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Filimon 1:7

Wɔ tɛdɛdɛmɛ nɔ kɔ mɛ mɔ same gbagbla nɛ̀ kemi kpɛkpɛ, ɔmɔsɛ wɔ, asɛ adzya ana, ɔkɔ sɛ bagɛ ayɛkɛ aŋãa etúɔ mɛ etsyina edzì avɔvɔ.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Tesalonikanɛ 1 3:6

Pɔ otsi ko Timoteo ede wɔnɔ ɔkɔ aba bɔlɔ ɔbha, kɛlɛ amana bɔlɔ ɔklasɔ̃ gbangbã nɛ wɔnɔ tɛyɛyɛkɛŋã nɛ̀ tɛdɛdɛmɛ nɔ shu. Etseɖe bɔlɔ asɛ nɔkɔ baka ebui gbangbã nɛ bɔlɔ shu kɛlɛ nɔpɛ ɔsɛ tɛ nɔmɔ bɔlɔ, asɛ kana gɛ bɔlɔ tsyɛ pɛ sɛ tɛ bɔmɔ wɔnɔ ana.