Filimon 1:17 - Nyangbo New Testament

¹⁷ Kliso onupɛ ɔlɔkɔ mɛ asɛ wɔ ɔhagbo axɔ̃ɛwɔa ana, kɛlɛ yɛkɛ yɛ asɛ gɛ ɔbɔ yɛkɛ mɛ tsyɛ ana.

Filimon 1:17 Referans Kwoze

Korintoanɛ 2 8:23

Tito xɔnɔɔ, enu mɛɔbhia gɛenu mɛ axɔ̃ɛwɔa ɔhagbo nɛ wɔnɔɛishi, bɔlɔ badzya alɛ xɔnɔɔ, benu banɔ gɛ ɔhaa akpɛ asɛ tɛ bazã balɛ inye mɛ tɛ bakpɛ̀ Kristo kinyeɛ nɛitití.

Filimon 1:12

Idzinì anɔ gɛ ɛdɛmɛ nɔ nɛ mɛitúɔ mɛ̀ petee nɔ sɛsɛ wɔ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Banɔkpɛkpɛ Axɔ̃ɛ 16:15

Gɛ bakpɛ bulĩ akɔ yɛ nɛ yɛɔpã mɛ anɛ, ayɛkɛ bɔlɔ akpɛ yɛɔpã mɛ. Aɖɔ asɛ “Onupɛ nɔdɛmɛ ɔsɛ inu anɔ gɛ ayɛkɛ Apalete nabha aŋãa, kɛlɛ nɔba tɛ nɔbɔzã mɛ bɔpã mɛ.” Kɛlɛ ebu ebui mɛ akɔ bɔlɔ.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Filimon 1:10

ɛkɔ wɔ ɛtakpu nɛ mɛeyianyɛ Onesimo shu, anɔ gɛ edzì mɛeyianyɛ nɛ kibeɛ gɛ ɛzã ɛɖahuiɛ mɛ.

Timoteo 1 6:2

Bagɛ balɛ apaleteɛ ayɛkɛ Kristo abha ŋã batɛ ɖɔ ɔsɛ badzya benu soɔ batɛ akpɛ kɛtakpu esi akɔ balɛ apalete alɛ. Nɛ kɛlɛ inye mɛɛ, kɛlɛ sɛ tɛ bedzi baxɔ̃ɛdɛ gbangbã ɔkɔ alɛ, ɔmɔsɛ bagɛ amɔ kibui gbangbã odenɔ balɛ axɔ̃ɛ wɔawɔa mɛ enu bayɛyɛkɛŋã, pɛ badɛmɛ alɛ kibui. Ebui alɛ kɛlɛ sɛ tɛ ɔkasɛ tɛ nɔlɔkɔ kpalà alɛ nɔ.

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Filimon 1:18

Onupɛ abhɛtɛ kibui kpa tili alo adɔ kɛbhɛ tili nɛ wɔ shuɔ tsyɛ elo, bisi kɛlɛ odenɔ mɛahɔɛ mɛ.