Efesoanɛ 6:6 - Nyangbo New Testament

⁶ Nɔotilũ atɔ̃ kɔ alɛ sɛ tɛ noku balɛ awɔ̃ nɛ kibeɛ gɛ balɛ awuhũɔ etsiɖi wɔnɔ abha ete, pɔ asɛ banɔ dzidzi ɔkɔ Kristo ana, tɛ nɔbhɛtɛ Owusoso Akaa tɛpɛpɛ odenɔ wɔnɔ etúɔ mɛ.

Efesoanɛ 6:6 Referans Kwoze

Tesalonikanɛ 1 2:4

Nɛ kidzo bhlatɔ abhaa, bɔɖɔ kaɖɔ asɛ banyɛ gɛ Owusoso Akaa atɔɖɔ ahɔɛ nɛ bɔlɔ abha pɛ alɔkɔ yɛibuiɛ akpɛ bɔlɔ ahɔɛ. Bɔtɛ pɛɛ sɛ tɛ buku banɔdzyrame awɔ̃ pɔ Owusoso Akaa boŋ gɛ efeke bɔlɔ etúɔ mɛ eɖiɛ.

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Efesoanɛ 5:17

Klisoɔ nɔotidzì bawɔaga, pɔ nɔolũ kɛgɛ Apaleteɛ apɛɛ asɛ ɔbhɛtɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Yohanes 1 2:17

Kanɔ nɔ̀ nɛ̀ kalɛ mɛ bɔdɔ̃ pɛpɛ ulũ baafala, pɔ anunɔ gɛ abhɛtɛ̀ tɔɖɔ Owusoso Akaa tɛpɛpɛ nabha xɔnɔ abazã nɛ̀ ɛkpã tihɔɔ.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Petro 1 2:15

Ɔmɔsɛ kinu Owusoso Akaa tɛpɛpɛ ɔsɛ ganà kibui gbangbã tɛbhɛbhɛtɛ mɛɛ, tɛ̀ nɔkɔ bawɔaga gɛ baɖɔ matì matì kaɖɔ ataatɔ̃.

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Korintoanɛ 1 7:22

Ɔmɔsɛ anɔ gɛedzi anɔ dzidzì flogo pɛ Apaleteɛ ebekulú yɛ, enu Apaleteɛ yɛanɔ ishu ahɔɛmɛ azazã, kidzo ɛlɛ nabha anunɔ gɛ azã yɛishu ahɔɛmɛ flogo pɛ bekulu yɛ, edzì Kristo yɛanɔ dzidzi.