Bib sou entènèt

Efesoanɛ 6:19 - Nyangbo New Testament

¹⁹ Nɔ okulu Owusoso Akaa kɔ mɛ tsyɛ, sɛ tɛ onupɛ ɛdalɛ mɛolugbũɔ, babàkɔ mɛ ebui ɖɔɖɔ sɛ tɛ ɛdalɛ kibui kpukpũɔ gɛ kpasɛ kibui gbangbã mɛ kifù masi masi,

Gade chapit la Kopi

tounen moute ⬆

Efesoanɛ 6:19
34 Referans Kwoze

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.

Banɔkpɛkpɛ Axɔ̃ɛ 4:29

Otsi alɛ, Apalete, ɖi kɛkpɛ gɛ bakpɛ balɔ ɛkpã nɛifùɔ tɛ̀ ɔkpɛ̀ wɔaxɔ̃ɛdɛ niemi tɛ aɖɔaɖɔ nɛ bupù hohoe mɛ.

Tesalonikanɛ 2 3:1

Gɔgɔɛ nɔ, mɛadzya alɛ mɔ, nokulu Owusoso Akaa ɔkɔ ɔlɔ, sɛ tɛ Apaleteɛ nɛibuiɛ yì falanɔ nɛ tɛtsɛɖɛ bubu mɛ tɛ bakpɛ kɛtakpu esi akɔ ɛlɛ, asɛ kɛlɛ gɛ kɛlɛ wɔnɔ ɔkɔ ana.

Tesalonikanɛ 1 5:25

Bɔlɔ adzya alɛ mɔ, nokulu Owusoso Akaa ɔkɔ ɔlɔ.

Hebrianɛ 13:18

Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Tesalonikanɛ 1 2:2

Bɔtɛ mɔ bɔtɔ bafalanɔ pɛ bazakwala bɔlɔ nɛ Filipi, asɛ gɛ nonyi ana, pɔ nɛ bɔlɔ Owusoso Akaa anɔ tɛpɛplɛnɔ mɛɛ, bɔkpɛ kité pɛ ɖɔ yɛibuiɛ tseɖe wɔnɔ nɛ kititì lɔlɔ gagalĩ ɛlɛ mɛ tsyɛ.

Korintoanɛ 2 8:7

Pɔ asɛ kana gɛ nɔmɔ otugbà vɛvɛ nɛ kɛka nyia ka mɛɛ-nɛ tɛyɛyɛkɛŋã mɛ̀, kaɖɔ ɖɔɖɔ mɛ̀, bubutì mɛ̀, nɛ̀ tɛpɛplɛnɔ ɔkɔ kɛxɔ̃ɛ nɛ kɛdɛmɛɛ gɛ nɔdɛmɛ bɔlɔ kibuiɛ-noɖi kɛlɛ ɔkɔ ɔsɛ nɔbhɛtɛ ɔdɛ nɛ tibhui bhuibu bɔdɔ̃ kɔkɔ kɛxɔ̃ɛ ɛlɛ mɛ.

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Korintoanɛ 1 4:1

Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Banɔkpɛkpɛ Axɔ̃ɛ 28:31

Gɛ ananà egidzu ahɔɛ nɛ yɛabha soɔ, aɖɔ Owusoso Akaa bukusiŋaŋã kibuiɛ nɛ bupù mɛ, kɛlɛ akasɛ bɔdɔ̃ nɛ Apalete Yesu Kristo shu.

Banɔkpɛkpɛ Axɔ̃ɛ 19:8

Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Filimon 1:22

Kɛlɛ kibui tinikpo katɔ, woese befu ɔtsɛkɔ olú ɔkɔ mɛ, ɔmɔsɛ iɖi idzomɛ ɔsɛ ɛbà tsodzì bà wɔ ɔbha tɛ̀ Owusoso Akaa gɛ okuluɔ ba ɛlɛ mɛ.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Korintoanɛ 2 3:12

Kliso gɛ buɖi kidzo mɛ ɔkɔ ebui alɛ, kifù tiyi bɔlɔ.

Korintoanɛ 1 1:5

Ɔmɔsɛ gana Kristo abha, nodzi ehoeyi elete nɛ kɛka nyia ka mɛ, nɛ wɔnɔ kaɖɔ ɖɔɖɔ nɛ kibui titì mɛ petee,

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Banɔkpɛkpɛ Axɔ̃ɛ 9:27

Pɔ Banaba agbanà yɛ kɛlɛ alɔkɔ yɛavɛnɔ banɔkpɛkpɛ. Etseɖe balɛ kana gɛ Saulo amɔ Apaleteɛ nɛ yɛidzo gagã mɛ, kana gɛ Apaleteɛ aɖɔaɖɔ niyɛ, ɔplɛnɔ kana gɛ adɛɖɔ kibui Gbangbã nɛ kifu masi masi mɛ nɛ Damasko nɛ Yesu kinyeɛ mɛɛ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Korintoanɛ 2 7:4

Ɛyɛkɛ wɔnɔ abha aŋã, kɛlɛ itũ mɛitelũ nɛ wɔnɔ kɛtakpu. Kemi kpɛkpɛ gbagbla alɛ mɛahɔɛ sɛ nɛ bɔlɔ bɔtɔ gelee mɛ tsyɛ, ɔtɔ̃kɔ nanà ma ɔkɔ mɛ samè mɔmɔ.

Korintoanɛ 2 1:11

asɛ gɛ nɔplɛnɔ bɔlɔ nɛ wɔnɔ Owusoso Akaa tikukulu mɛ̀ ana. Kɛlɛ́ banɔ kpekpè ebehu ahɔɛ nɛ bɔlɔ kɛtakpu nɛ tibhui bhuibu gbangbã gɛ ebhui bɔlɔ ebuɔ nɛ banɔ kpekpèɛ gɛ bekulu Owusoso Akaa nɛ bɔlɔ kɛtakpu so.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Romanɛ 15:30

Mɛelɛ alɛ mɔ, ɛkpalà ɔnɔ ɔgana Apalete Yesu Kristo abha, nɛ̀ Yɛɔfɔfuĩa nɔ tɛdɛdɛmɛ nɔ nɛ̀ banɔ mɛɛ, tɛ nɔplɛnɔ mɛ nɛ ɛxɔ̃ɛ gagalĩ lɛ mɛ, tɛ nokulu Owusoso Akaa nɛ mɛtakpu.

Banɔkpɛkpɛ Axɔ̃ɛ 18:26

Abakpà kaɖɔ ɔɖɔ nɛ ɛtsyɔakɔ nɛ kifù masi masi mɛ. Kibeɛ gɛ Priskila nɛ̀ Akwila elũ yɛebuiɛ, bekulù yɛ amana balɛ bɔpã mɛ kɛlɛ bebu ebuiɛ mɛ kɔɛ piapii nɛ Owusoso Akaa yɛedzoɔ shu.

Banɔkpɛkpɛ Axɔ̃ɛ 4:13

Gɛ bamɔ kitèkpɛkpɛ nɛ Petro nɛ̀ Yohanes mɛ pɛ bamɔ asɛ betinu buplukpaeleteɛ, pɔ banɔ etee ko benuɔ, kɛbhɛtɛ balɛibi kɛlɛ babakà asɛ banɔ alɛ azã aplɛnɔ Yesu.

Banɔkpɛkpɛ Axɔ̃ɛ 2:4

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Banɔkpɛkpɛ Axɔ̃ɛ 9:29

Aɖɔ kaɖɔ alɔkɔ apɔ̃ɛ ebui mɛ nɛ̀ Yudanɛ gɛenu Helanɛ, pɔ bapɛ asɛ tɛ beyii.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Korintoanɛ 2 6:11

Bɔdalɛ ishumɛ ɖɔ kaɖɔ nɛ̀ wɔnɔ Korintoanɛ, kɛlɛ bɔdalɛ bɔlɔ etúɔ mɛ petee kɔ wɔnɔ.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Swiv nou:

Lyen patwone

Piblisite

Piblisite