Efesoanɛ 6:17 - Nyangbo New Testament

¹⁷ Nɔ lɔkɔ ɔɖaɛkutuɔ gɛ yɛkɛ ɔkɔ anɔ ovunɔ, nɛ̀ ɔfɔfuĩa mɛ bɛtɛ̀ɛ, gɛinu Owusoso Akaa ibuiɛ.

Efesoanɛ 6:17 Referans Kwoze

Hebrianɛ 4:12

Ɔmɔsɛ Owusoso Akaa ibuiɛ lɛ nɛ ɛkpã, gɛ kɛwɔa axɔ̃ɛ. Kibuiɛ lɔŋã ɔdɛ bɛtɛɛ̀ ilugbũ tɛbha- ka nyia ka. Ashɔ banɔ kɛlɛ ayɛ kɛtɔwui, ɔfɔfuĩa, axɔa ɔtsyɔakɔ nɛ̀ axɔamɛɔbɔ mɛ. Kɛlɛ ekulu ebhu nɛ anɔ ekpeɖekpeɖe nɛ̀ yɛetú mɛ ebui bhɛbhɛtɛ.

Kibui Bubú Kasɛ 19:15

Bɛtɛ̀ ŋaŋã teli edekoeyì nɛ yɛolugbũɔ mɛ, gɛ abalɔkɔ eté ɛmadiɛ nɔ. “Abaŋã ukusi nɛ alɛ abha nɛ̀ ɔɖaɛshi.” Alɔkɔ Owusoso Akaa ɔmɔpɔɛ kpɛkpɛ, agã alɛ abha asɛ ɛgɛ gɛ bagã waian eyuyu abha nɛ yɛɔkãkɔ ana.

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Kibui Bubú Kasɛ 2:16

Kliso notsyina etúɔ mɛ! Onu gɛ nanàa, kɛtɛ badzè, ɛbàba wɔnɔkɔ, kɛlɛ ɛbaté banɔ alɛ nɛ̀ bɛtɛ̀ gɛ ede mɛolugbũɔ mɛ nɔ.

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.

Kibui Bubú Kasɛ 1:16

Awɔ̃ɛ tegegene azã kɛŋã ɔhɔɛ mɛ, kɛlɛ bɛtɛ̀, ilugbũ tɛbha ŋaŋã teli ikoeyì odenɔ yɛolugbũɔ mɛ. Kɛlɛ yɛamɛ ezetse ɔmɔ asɛ kiwi gɛinye nɛ ɛlɛ tɛdadalɛ mɛ ana.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Hebrianɛ 6:5

pɛ bamɔ ɔdzyɛ nɛ Owusoso Akaa Ibuiɛ mɛ eɖi, nɛ kɛlɛ ihumi nɛibe gɛ bàba flogo,