Efesoanɛ 6:11 - Nyangbo New Testament

¹¹ Nɔlɔkɔ Owusoso Akaa ɔɖa akpɛkpɛ gɛ nɔlɔkɔ po ishu nɔ ɔkpɛ, sɛ tɛ nɔlà zã abosam ebui tɔtɔɖɔ nulũ.

Efesoanɛ 6:11 Referans Kwoze

Korintoanɛ 2 10:4

Keyuta ɔdɔ̃ gɛ bɔɔtà keyuɔ nɔɔ butinu kanɔ mɛ keyuta ɔdɔ̃. Nɛ kidzo bhlatɔ abhaa, ɔfɔfuĩa mɛ ohumi ɔlɛ balɛ ahɔɛ ɔsɛ tɛ balɔkɔ ayɛɛ ɔfɔfuĩa mɛ ebui gagalĩ nɔ.

Romanɛ 13:12

Elishibeɛ fala, kɛlɛ keli aza nɛ ɔlɔ ebeke, kliso nɔkɔ bɔshɛ nɛ ahɔɛ nɛ otumũ mɛ ebui bhɛbhɛtɛ shu, tɛ bɔlɔkɔ keyudɔ̃ dadalɛ kpàta.

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Efesoanɛ 6:13

Klisoɔ, nɔ lɔkɔ wɔnɔ Owusoso Akaa ɔɖa akpɛkpɛ ɔdɔ̃ petee gɛ nɔlɔkɔ opo ishu nɔɔ ɔkpɛ, sɛ tɛ onupɛ ewui zizĩ ebekuɔ, nɔ bɔlà ɔtsyɔa etelũ nɛ alɛ, kɛlɛ onupɛ ewui alɛ abafalaa, nobo wlui ɔzã gagalĩ.

Petro 1 5:8

Nɔŋã wɔnɔ ishu abha tɛ̀ nɔzã nɛ̀ awɔ. Agɛ atɛadɛmɛ wɔnɔ ɛbui gɛenu abosamuɔ aafala asɛ dzata gɛ aadzɔ̀ pɛ apɛ anɔ asɛ tɛ̀ evũ atã.

Korintoanɛ 2 2:11

sɛ tɛ Satana atɛ bàwɔɛ wɔnɔ. Ɔmɔsɛ butinyi kɛgɛ yɛatɔɖɔɔ.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Koloseanɛ 3:10

pɛ nɔlɔkɔ ɛkpã vɔvɔ ɔkpɛ, gɛ babhɛtɛ ɛlɛ avɔvɔ nɛ̀ kibuititì nɛ agɛ yɛabhɛtɛ kanɔ nɔ̀ kedzi avɔvɔ tɛzazã mɛ.

Romanɛ 13:14

Nɛ alɛ nɛinye mɛɛ, nɔkɔ bɔlɔkɔ Apalete Yesu Kristo kpɛ ishu asɛ akpɛkpɛ ana, tɛ bɔta zɛbhɛtɛ ekpeɖekpeɖe mɛ nɛ kɛmɔ gɛ bɔmɔ same nɛ kanɔ alɛ mɛebui kpa bhɛbhɛtɛ shu.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 2 6:7

nɛ kibui gbã tɛɖɔɖɔ mɛ nɛ̀ Owusoso Akaa yɛohumi nɔ mɛ, tɛ bɔlɔkɔ kibui gbangbã bhɛbhɛtɛ keyutadɔ̃ nɛ kɛŋã nɛ̀ kɛblɛkpɛ mɛ̀,

Kibui Bubú Kasɛ 2:24

Wɔnɔ Tiatiranɛ gɔgɔɛ nɔ gɛ nɔgɛ nyana yɛɔdɔ̃ kakasɛ ɛlɛ mɛ ovunɔ, pɛ nɔgɛ kpasɛ Satana yɛotumũ mɛedzoɔ (ɛtɛ bawlui kpɛ ɔnɔ bɔtɔ bhlatɔ nanà.)

Efesoanɛ 4:24

sɛ tɛ nɔodzinì ishu ɔbhɔ avɔvɔ, gɛ babhɛtɛ ɔnɔ sɛ nɔzã asɛ Owusoso Akaa ana nɛ kibui gbangbã bhɛbhɛtɛ nɛ̀ tɛdadalɛ mɛ.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Korintoanɛ 1 10:13

Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Kibui Bubú Kasɛ 19:20

Pɔ bevũ agãhoeɛ, nɛ̀ yɛasɛnɛ ebuiɖɔluanɔ gɛ azabhɛtɛ atsyindzye ebui akasɛ nɛ yɛinye mɛɛ. Bɔdɔ̃ bubú kasɛ ɛlɛ yɛalɔkɔ awɔɛ bagɛ ayɛkɛ agãhoe ɛná tsatsà, pɛ bazakpɛ ɛtakpu esi akɔ yɛafafatɛɛ. Balɔkɔ banɔ alɛ enunuɔ taabha atɛ́ akpɛ aklagbuifuɔ, gɛtã nɛ̀ ɔɖɛklɛmɛ nɔ mɛ.

Yakobo 4:7

Nozhinɔ ɔnɔ ishu esi ɔkɔ Owusoso Akaa. Nɔ lɔɛtití nɛ Abosam shu tɛ ebu tɛtsɛɖɛ mɛ ashɛ nɛ ɔnɔ ɔbha.