Efesoanɛ 5:25 - Nyangbo New Testament

²⁵ Badzɛ enyine, nɔ dɛmɛ nɔ nɛ̀ wɔnɔ edzinì alɛ, asɛ kana gɛ Kristoɔ tsyɛ adɛmɛ nɔ nɛ̀ ɔhaa pɛ alɔkɔ yɛishu akɔ nɛ ɔlɛ takpuɔ ana,

Efesoanɛ 5:25 Referans Kwoze

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Koloseanɛ 3:19

Badzɛ enyineɛ, nɔdɛmɛ nɔ nɛ̀ wɔnɔ edzinì alɛ, kɛlɛ nɔdɔ fɔ̃ɔ kɔ alɛ.

Efesoanɛ 5:28

Nɛ kidzo ɛlɛ abhaa, kɛlɛ sɛ tɛ̀ baadzɛ enyine tsyɛ adɛmɛ nɔ nɛ̀ balɛ edzini alɛ asɛ balɛ ahɔɛ ishupi ana. Anunɔ gɛ adɛmɛ nɔ nɛ̀ yɛedziniɛ, adɛmɛ nɔ nɛ̀ yɛishu.

Efesoanɛ 5:33

Pɔ, kɛlɛ sɛ tɛ wɔnɔ mɛ aka nyia aka tsyɛ adɛmɛ nɛ̀ yɛedzinì asɛ gɛ adɛmɛ nɔ nɛ yɛishu ana, kɛlɛ sɛ tɛ anyɛ edziniɛ akpɛ kɛtakpu esi akɔ yɛinyineɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Timoteo 1 2:6

anɔ gɛ alɔkɔ yɛ ɛkpã akɔ nɛ banunɔ petee takpu-kibui gɛ badalɛ kɛlɛishu nɛ kɛlɛ ibè gbangbã mɛ.

Efesoanɛ 5:24

Nɛ kana gɛ ɔhaa akpɛ kɛtakpu esi akɔ Kristo soɔ, kana ɛbe kɛlɛ sɛ tɛ banyɛ edziniɛ tsyɛ akpɛ kɛtakpu esi akɔ balɛ enyine alɛ nɛ kɛka nyia ka mɛ.