Efesoanɛ 5:21 - Nyangbo New Testament

²¹ nɔkpɛ kɛtakpu esi ɔkɔ agɔlɔ tɛ nɔlɔkɔ kpɛ bagɔlɔ same ɔkɔ Kristo.

Efesoanɛ 5:21 Referans Kwoze

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Efesoanɛ 5:24

Nɛ kana gɛ ɔhaa akpɛ kɛtakpu esi akɔ Kristo soɔ, kana ɛbe kɛlɛ sɛ tɛ banyɛ edziniɛ tsyɛ akpɛ kɛtakpu esi akɔ balɛ enyine alɛ nɛ kɛka nyia ka mɛ.

Efesoanɛ 5:22

Banyɛ edzinì mɔ, nɔkpɛ kɛtakpu esi ɔkɔ wɔnɔ enyine alɛ asɛ gɛ nɔbhɛtɛ ɔkɔ Apaleteɛ ana.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Timoteo 1 3:4

Kɛlɛ ɔsɛ edzi anɔ gɛeɖi yɛɔpã abha piapii, tɛ̀ eɖi ɛlɛ ɔkɔ asɛ beyi gɛ elu atɔ̃ piapii pɛ bakpɛ kɛtakpu esi akɔɛ alɛ yɛahɔɛ.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Timoteo 1 2:11

Kɛlɛ sɛ anɔdzɛ akpasɛ bɔdɔ̃ nɛ kaɖɔ maɖɔ maɖɔ nɛ̀ ishu esi zhizhinɔ mɛ.

Korintoanɛ 1 16:16

ɔsɛ tɛ̀ nɔkpɛ kɛtakpu esi asɛ banɔ alɛ nɛidi nɛ̀ anɔ aka nyia aka tsyɛ gɛ afala eku kɛxɔ̃ɛ wɔawɔa ɛlɛ mɛ pɛ aatɔ nɛ ɛlɛ shuɔ.

Petro 1 2:13

Nɛ Apaleteɛ nɛtakpu soɔ nɔozhinì wɔnɔ ishu esi ɔkɔ ɔsha ka nyia ka gɛ bakpɛ nɛ banɔishi, ezedzi asɛ ekusiɛ gɛ yɛeɖi ɔsha gbagbla nabha o,

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Korintoanɛ 2 5:11

Denɔ kibe ɛlɛ gɛ bɔbatì sɛ kɛlɛ sɛ busi Apaleteɛ nɛifu soɔ, bɔpɛ sɛ tɛ bubu ebui mɛ kɔanɔ. Owusoso Akaa enyi kɛgɛ bunùɔ, kɛlɛ inyi tsyɛ sɛ kɛlɛ mɛ dalɛ ɔkɔ wɔnɔ ebuesilulũ.