Efesoanɛ 5:11 - Nyangbo New Testament

¹¹ Nɔtɛ kpɛ ɔhɔɛ nɛ otumũ ebui bhɛbhɛtɛ nɔnɔ gɛ kɛnanà ma alɛ mɛ mɛ̀, pɔ nɔobu alɛ ɔkasɛ boŋ.

Efesoanɛ 5:11 Referans Kwoze

Romanɛ 13:12

Elishibeɛ fala, kɛlɛ keli aza nɛ ɔlɔ ebeke, kliso nɔkɔ bɔshɛ nɛ ahɔɛ nɛ otumũ mɛ ebui bhɛbhɛtɛ shu, tɛ bɔlɔkɔ keyudɔ̃ dadalɛ kpàta.

Timoteo 1 5:20

Bagɛ abhɛtɛ ebui kpaa xɔnɔɔ, kɛlɛ sɛ betseɖe nɛ balɛ nɛ ɔmaɛshi, sɛ tɛ bagɔgɔ alɔkɔ eɖi balɛ ishu abha nɔ.

Tesalonikanɛ 2 3:6

Mɛadzya alɛ mɔ, nɛ Apalete Yesu Kristo kinyeɛ mɛ, bɔɔkpɛ wɔnɔ ɔsha, sɛ nɔtɛ kpɛ ɔha nɛ adzya ka nyia ka gɛ edzi nɛ ahɔɛkpakpa pɛ atɛa zana ɛkpã nɛ bɔdɔ̃ kakasɛ gɛ nɔyɛkɛ odenɔ bɔlɔ ahɔɛ mɛ shu.

Romanɛ 16:17

Mɛelɛ alɛ mɔ, ihu buluhũ kɔ ɔnɔ sɛ tɛ nolú awɔ̃ nɛ̀ bagɛ bamana kishi zizĩ nɛ banɔ ishi, pɛ babhɛtɛ ebui gɛ etsu awuhũ, pɛ lagã ɔtɔ nɛ ebuiɛ gɛ bɔkasɛ pɛ nɔkpasɛ shu. Nɔtɛkpɛ alɛ ɔha.

Kibui Bubú Kasɛ 18:4

Kɛlɛ izilũ ozĩ odenɔ ititíɛ gɛɔɖɔ ɔsɛ, “Nokoeyi nɛ yɛ mɛ, mɛeyi alɛ mɔ sɛ tɛ notɛ bodzi ebui kpa abhɛbhɛtɛelete asɛ yɛ ana, sɛ tɛ yɛɔtɔ̀ kpa nanà tɛbàba ɔna abha,

Tito 2:15

Ebui alɛ kɛlɛ sɛ tɛ ɔkasɛ. Kpɛ balɛ emi tɛ̀ ɔlɔkɔ ɔshakpɛkpɛ petee otseɖenɔ nɛ alɛ. Tɛkɔ ananà amɔ wɔ esi.

Tesalonikanɛ 2 3:14

Onupɛ anɔ teli agɛ bhɛtɛ atɔɖɔ bɔlɔ ɔsha kpɛkpɛ ɔlɛ nabha nɛ keplukpa alɛ mɛɛ, nɔolú awɔ̃ oɖi piapii. Nɔtɔ kpɛ yɛɔha, sɛ tɛ kiwũi yii.

Romanɛ 6:21

Kiɖe nɔmɔ odenɔ kibe ɛlɛ ebui bhɛbhɛtɛ gɛ lenu awuĩ ebui ɔkɔ ɔnɔ otsiɛ nɔ mɛɛ dza? Ebui alɛ agbana anɔ avɛnɔ butsí mɛ.

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Timoteo 2 3:5

babà abhɛtɛ ishu asɛ Owusoso Akaa ibuiɛ kpasɛ alɛ mɛ, pɔ babà shɛnɛ ahɔɛ nɛ kɛlɛ ohumi nɔ shu. Tɛ kpɛ alɛ ɔha.

Galatianɛ 6:8

Anunɔ gɛ aɖa bɔdɔ̃ sɛ tɛ eku yɛebui kpa gɛ abhɛtɛ nawɔ̃ɔ, denɔ kibui kpa ɛlɛ mɛɛ, ebedzyinì butsí, anunɔ gɛ aɖa bɔdɔ̃ sɛ tɛ eku Ɔfɔfuĩa nɔ awɔ̃ɔ xɔnɔɔ, denɔ Ɔfɔfuĩa nɔ mɛɛ, abamɔ ɛkpã tihɔɔ.

Tesalonikanɛ 1 5:7

Ɔmɔsɛ bagɛ apɛ asɛ adɔ taɖa, badɔ tɛlɛ elishi, kɛlɛ bagɛ awɔɛ ebukuɔ tsyɛ awɔ̃ɛ ebuku elishi.

Efesoanɛ 5:7

Klisoɔ nɔtɛ kpɛ alɛ ɔha.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Timoteo 1 6:5

nɛ̀ kawlɔ̃akɛ ebui kibe nyia be nɛ banɔ gɛ balɛ ekpeɖekpeɖe mɛ agɛ dalɛ nɛishi, banɔ gɛ bagɛ pɛasɛ eti kibui gbã pɛ abhɛtɛ alɛ asɛ Owusoso Akaa mɛ tɛzazã nu kidzo ɔkɔ ehoeyi tɛmɔmɔ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Efesoanɛ 5:12

Ɔmɔsɛ kiwũi ibui kinu tsyɛ ɔsɛ tɛ baɖɔ ebui nɔnɔ gɛ bagɛ etie lũ atɔ̃ abhɛtɛ nɛ tikpukpũ mɛ.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Timoteo 1 5:22

Dɔ fɔ̃ɔ ɔkɔ ahɔɛ tɔtɔɖɔ nɛ anɔ abha, kɛlɛ tɛzã ebui kpa bhɛbhɛtɛ elete ede. Za nɛkpã nɛ wɔshu dadalɛ mɛ.