Efesoanɛ 4:31 - Nyangbo New Testament

³¹ Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Efesoanɛ 4:31 Referans Kwoze

Koloseanɛ 3:8

Pɔ otsi alɛ xɔnɔ kɛlɛ sɛ nɔobu ebui alɛ ɔtɛɛ, ebui asɛ, ɔmɔpɔɛ zizĩ kpɛkpɛ, ɔmɔpɔɛ zizĩ gɛɔmana ebela, banɔ shu zizĩ, kaɖɔ kpa ɖɔɖɔ nɛ anɔ shu, nɛ̀ atsɔ̃bui gɛide wɔnɔ olugbũ mɛ.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Koloseanɛ 3:19

Badzɛ enyineɛ, nɔdɛmɛ nɔ nɛ̀ wɔnɔ edzinì alɛ, kɛlɛ nɔdɔ fɔ̃ɔ kɔ alɛ.

Yakobo 3:14

Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.

Efesoanɛ 4:26

“Tɛbhɛtɛ kibui kpa nɛ wɔ ɔmɔpɔɛ kpɛkpɛ mɛ”. Tɛkɔ kiwui dɔ nɛ wɔ ɔmɔpɔɛ kpɛkpɛ mɛ,

Yohanes 1 3:12

Nɔtɛ̀ zã asɛ Kain ana, anɔ gɛenu Abosam ayɛ pɛ eyí yɛadzyaa. Kɛlɛ kiɖuwoe so pɛ eyíi? Ɔmɔsɛ yɛ ahɔɛ edzoɔ enu edzo kpa pɛ yɛadzya ayɛ xɔnɔ adalɛ.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Timoteo 1 3:11

Nɛ kidzo ɛlɛ nabha, balɛ edzini alɛ tsyɛ, kɛlɛ sɛ bedzi baadzɛ gɛ banɔ adɛmɛ nɛ alɛ, betinu banɔ gɛ baɖɔ banɔ tibui, pɔ benu badzɛ gɛ belu kitu esi pɛ bayɛkɛ balɛ abha ŋã nɛ kɛka nyia ka mɛ.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Timoteo 1 5:13

Nɛ kɛlɛ̀ niedeɛ, balɔkɔ balɛishu akpɛ kɛxɔ̃ɛ mawɔa mawɔa mɛ, pɛ banyɔ afala ode bɔpã ɔlɛ mɛ ɔvɛnɔ bɔlɛ̀ mɛ. Gɛnɛ sɛ gɛ bedzi kɛxɔ̃ɛ mawɔa mawɔa ete, pɔ baɖɔ banɔ shu tibui pɛ bezĩ banɔ shu, pɛ baɖɔ ebui nɔnɔ gɛ kɛma sɛ tɛ baɖɔɔ.

Galatianɛ 5:20

ibudi ebui bhɛbhɛtɛ nɛ̀ banɔ tatã, anɔ nyanyana kpɛ ɛyamɛ, ebela pɛpɛɛ, kiwuhũ dzadzã, ɔmɔpɔɛ zizĩ kpɛkpɛ, mɛ ɛyɛ ete tɛpɛpɛ̃, kibui esi malũ malu, kititì lɔlɔ nɛ agɔlɔ shu

Korintoanɛ 1 5:8

Klisoɔ nɔkɔ bɔbhɛtɛ tɔɖɔ kiwui ŋaŋã nabha, gɛnɛ kɛdɔ̃ tsɔtsɔmɔ̃ kiyi kukuɔ, kiyiɛ gɛ manà ebui kpa bhɛbhɛtɛ nɛ̀ kɛtakpu mɛ gagalĩ bhɛbhɛtɛ ebui, pɔ nɔzã asɛ kifufulũ gɛ bagɛ kpɛ kɛdɔ̃ tsɔtsɔmɔ̃ kiyi nɛ kɛlɛ mɛ, kifufulũ gɛ bagɛ kpɛ kɛdɔ̃ tsɔtsɔmɔ̃ nɛ yɛ mɛ pɛ kinu kibui gɛ kɛlɛ ɛlɛ ɔzãkɔ tɛbhɛbhɛtɛ.

Romanɛ 3:14

“Ebui ɖɔɖɔ kpɛ anɔ nɛ̀ agɛ apɔɛ nɔ, alɛ eyuku balɛ ilugbũɔ mɛ.”

Kibui Bubú Kasɛ 12:10

Kɛlɛ ilũ ozĩ gagalĩ loyi odenɔ kititíɛ ɔsɛ, “Otsi alɛ bɔlɔ tibubu, ohumi nɛ̀ ɔlɔ Owusoso Akaa ukusi ŋaŋã ba, nɛ̀ yɛ Kristo ukusi ŋaŋã. ɔmɔsɛ anunɔ gɛ ebhui ɔlɔ adzya alɛ nulũɔ, anunɔ gɛ ebhui alɛ ulũ nɛ Owusoso Akaa na mɛ elishi nɛ̀ emuzeɛ, bawɔanyã yɛakpɛ esiakpa.

Yohanes 1 3:15

Anɔ nyia anɔ gɛ agɛ dɛmɛ yɛadzya ibuiɛ enu anɔ gɛ eyianɔ, kɛlɛ nɔonyi ɔsɛ anɔ gɛ eyianɔ atɛ bàmɔ ɛkpã tihɔɔ mɛ azã.

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Timoteo 2 2:23

Tɛkpɛ ɔha nɛ̀ bɔga ebui tɛwɔawlɔakɛ, ɔmɔsɛ onyi ɔsɛ lamanà ebelá ebui.

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Banɔkpɛkpɛ Axɔ̃ɛ 21:30

Ozĩ oyì nɛ ɔmàmɛ petee, kɛlɛ banɔ nɔ ebu tɛtsɛɖɛmɛ ekoeyì edenɔ kawɔ̃pɛ ka nyia ka mɛ aba. Gɛ bevũ Pauloɔ ebekeɛ, betsìi nɛ kesiakpa edenɔ Akaavũɔ shu, kɛlɛ badã budulũɔ odunũ ɔlɛ.

Timoteo 2 3:3

tɛdɛdɛmɛ nɔ mazã mazã, batɛ balɔkɔ kibui etsye anɔ, bebezĩ banɔ shu, batɛ balà balɛishu abha aŋã, atakpu mɛ gagalĩ ebui, batɛ badɛmɛ nɔ̀ nɛ̀ kibuiɛ gɛpɛ̃,

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Efesoanɛ 4:25

Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.