Efesoanɛ 4:30 - Nyangbo New Testament

³⁰ Kɛlɛ nɔtɛ kɔ Owusoso Akaa Ɔfɔfuĩa Gbangbã ɔmɔ̃ ɔwɔ̃nyɔnɔ, gɛ ɔlɛ balɔkɔ adã ɔnɔ ɔdɔ̃ elu nɔ, odiyinɔ kiwuiɛ gɛ bebè bu ɔnɔ.

Efesoanɛ 4:30 Referans Kwoze

Tesalonikanɛ 1 5:19

Notilĩ Ɔfɔfuĩa nɛifúɔ,

Banɔkpɛkpɛ Axɔ̃ɛ 7:51

“Wɔnɔ batɔ̃mɛ gagalĩ elete! Wɔnɔ etú mɛ̀ nɛ̀ batɔ gɛegetsyina elete! Nɔodzi asɛ wɔnɔ akaalɛ. Nɔtɛ ɔpɛɛ ɔsɛ Ɔfɔfuĩa Gbangbãa ɔba!

Romanɛ 8:23

Anɛ kanɔ mɛ bɔdɔ̃ ete, pɔ bɔlɔ bagɛ buputɔ nimi nɛ Ɔfɔfuĩa mɛ ɛdɔ̃ kɔkɔ shu tsyɛ, bunimi nɛ ɔlɔ ishu mɛ, nɛ kibeɛ gɛ bupo bɔlɔ tɛyɛyɛkɛ ɔmɔ asɛ beyi anà, tɛ bɔmɔ ɔlɔ ishu ahɔɛmɛ zazã.

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Hebrianɛ 3:10

Kɛlɛso pɛ ɛkpɛ ɔmɔpɔɛ nɛ kibelianɛ shu, pɛ ɛɖɔ ɔsɛ, ‘Balɛ etúɔ ebu ɔtɔ nɛ mɛishu kiwui nyiɛ wui, kɛlɛ bagɛlà eti mɛedzoɔ.’

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Hebrianɛ 3:17

Kɛlɛ fakɔ anɛ ibui gɛzɛpɔɛ yɛ nɛ agɔ afɛtalɛ nyɔ̃ɔ mɛɛ dza? Pɔ anɛ balɛ enu bagɛ bazabhɛtɛ ebui kpa pɛ bawɔlɛ ebho, nɛ oxuiɛ mɔɔ dza?

Korintoanɛ 1 15:54

Onupɛ balɔkɔ ishupiɛ gɛtɛ bàtsɔmɔ akpɛkpɛ akpɛ akɔ ishupiɛ gɛbà tsɔmɔ̃ɔ, pɛ balɔkɔ ishupiɛ gɛbàzã tihɔɔ akpɛkpɛ akpɛ kɔ ishupiɛ gɛtɛ bàzã tihɔɔ nɔ, kɛlɛ kibuiɛ gɛ bafɔnɔ elúɔ babà kɛlɛ mɛ ɔsɛ, “Bamɛnɔ butsi edenɔ kabhaŋaŋã mɛ.”

Hebrianɛ 10:29

Kɛlɛɛ batɔ̃ pɔpɔ̃ gagalĩ ɖuwoe lu gɛ bɔyɛkɛŋã sɛ babàkɔ anunɔ gɛ akpata Owusoso Akaa Yɛeyiɛ, pɛ agɛ lɔkɔɛ nanà nɛ dzyosu olugbũ nyanyã gɛ alɔkɔ adalɛ yɛishu nɔ mɛ, pɛ ebu olugbũ mɛ nɛ Ɔfɔfuĩa nɔ gɛ lobhui banɔ obuɔ shu oɖiɛ mɔɔ dza?