29 Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.
Nɔkɔ ɔnɔ kaɖɔ ɖɔɖɔ akasɛ sɛ bebhui ɔnɔ ebu, kaɖɔ gɛ bɔmɔɛ kpasɛ alɛ mɛ, sɛ tɛ̀ nɔotì kana gɛ nɔ obobù kibui ulũ ɔkɔ aka nyia aka.
Klisoɔ, nɔkpɛ bagɔlɔ kemi tɛ nɔbhɔ bagɔlɔ owunɔ, asɛ kɛbhɛtɛ gɛ nɔbhɛtɛ ɛlɛ ana.
Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.
Banyɛedzini mɔ, nɛ kidzo ɛlɛ nabha, nɔozhinì wɔnɔ ishu esi ɔkɔ wɔnɔ enyine alɛ sɛ tɛ̀, onupɛ balɛ ɔmaɛyɛmɛ teli agɛ yɛkɛ kibui nabha ŋãa tsyɛ elo, tɛ bè tsyina ɔganà wɔnɔ ɛkpã zazãna mɛ,
Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.
sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha
Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.
Pɔ nɛ ɔhaa xɔnɔ mɛɛ, ɛbapɛ sɛ tɛ̀ mɛɖɔ bubutì ebui teti tɛ̀ ɛlɔkɔ kpalà bagɔgɔɛ nɔ nɔ ɔdɛ ebui ihotù lɔfɔ ɖɔɖɔ nɛ beluhũ vɔvɔ mɛ.
Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.
Kɛlɛ sɛ tɛ bɔlɔ ɔmayɛmɛ aka nyia aka abhɛtɛ kɛgɛ baku yɛɔhagbo awɔ̃, pɛ ebeshe atɔɖɔ nɛ yɛtɛyɛyɛkɛŋã mɛ.