Efesoanɛ 4:25 - Nyangbo New Testament

²⁵ Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.

Efesoanɛ 4:25 Referans Kwoze

Koloseanɛ 3:9

Nɔtɛ̀ sɛ asɛnɛ otseɖe agɔlɔ, ɔmɔsɛ nɔtɛ shɛnɛ ahɔɛ nɛ ɛkpã gɛ nɔtɛ zã oɖiɛ nɛ̀ alɛ ebui bhɛbhɛtɛ shu

Romanɛ 12:5

kana ɛbe gana Kristo mɛɛ, bɔlɔ banɔ kpekpè alɛ pete bɔbhɛtɛ tenikpo, kɛlɛ bɔlɔ ishupi ɔwɔ̃pɛ nɔ kpɛ olũgbu nɛ bagɔlɔ mɛ.

Efesoanɛ 4:15

Pɔ bɔɖɔ kibui gbã nɛ tɛdɛdɛmɛ nɔ mɛ, bɔbà shè nɛ ebuiɛ petee mɛ nɛ Kristo anɔ gɛinu ɔlɔ ɛtakpuɔ mɛ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Timoteo 1 4:2

Bɔdɔ̃ kakasɛ ɛlɛ nɛidi de asɛnɛ bɔdɔ̃ kakasɛ elete ɔkɔ, banɔ gɛ balɛ ekpeɖekpeɖeɛ atã asɛ gɛ balɔkɔ ɔɖa kpɛkpɛ apɔɛ ɔdɔ̃ ana.

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.

Timoteo 1 1:10

lɔlɛ ɔkɔ ɔmamɛ dɛdɛ elete, nɛ̀ bagɛ abhɛtɛ atsɔ̃buiɛ, lɔlɛ ɔkɔ bagɛ agã banɔ dzizì edziɛ, basɛnɛ elete nɛ̀ bagɛ betielũ atɔ̃ akɔ ɔsha-nɛ̀ kɛka nyia ka ɛdi gɛ kɛgã ɔtɔ nɛ bɔdɔ̃ kakasɛ gbangbã shuɔ

Korintoanɛ 2 7:14

Itũ mɛishu kitelũ nɛ wɔnɔ kɛtakpu kɔɛ, kɛlɛ nɔgɛ kpɛ mɛ buluhũ. Pɔ asɛ kana gɛ kɛka nyia ka gɛ butseɖe wɔnɔ lɛ kɛlɛ ɔzãkɔɔ, kidzo ɛlɛ nabha kitelũɔ gɛ butũ nɛ wɔnɔ shu ɔkɔ Tito nɔ, kasɛ sɛ kinu kibui gbã.

Tito 1:12

Balɛ ahɔɛ ebuiɖɔluanɔ tenikpo gɛ ede Krete nɔ tsyɛ aɖɔ asɛ, “Kretanɛ enu basɛnɛ elete ɖaa, ebui kpa bhɛbhɛtɛ elete nɛ̀ banɔ zhyɔzhyɔrɛ elete gɛ baŋã bɔdɔ̃ ɔtsɔ̃.”

Korintoanɛ 1 10:17

Ɔmɔsɛ gɛ bùkpèe, pɛ kifufulũ tenikpo pɔ kɛlɛ lɛɛ, so budzi ishupi tunikpo, pɛ bɔlɔ petee tã kifufulũ tinikpo alɛ.

Efesoanɛ 5:30

ɔmɔsɛ bunu yɛishudzya nɔ wɔpɛ̃.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Koloseanɛ 3:8

Pɔ otsi alɛ xɔnɔ kɛlɛ sɛ nɔobu ebui alɛ ɔtɛɛ, ebui asɛ, ɔmɔpɔɛ zizĩ kpɛkpɛ, ɔmɔpɔɛ zizĩ gɛɔmana ebela, banɔ shu zizĩ, kaɖɔ kpa ɖɔɖɔ nɛ anɔ shu, nɛ̀ atsɔ̃bui gɛide wɔnɔ olugbũ mɛ.

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.