Efesoanɛ 4:22 - Nyangbo New Testament

²² Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Efesoanɛ 4:22 Referans Kwoze

Romanɛ 6:6

Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Hebrianɛ 3:13

Pɔ nɔkpɛ bagɔlɔ emi iwui nyiɛ iwui, gɛ kiwui lɛ bekulu asɛ Oboɔ nɔ, sɛ tɛ wɔnɔ mɛ ananà aba gagalĩ atɔ̃ nɛ anɔ wɔɛwɔɛ mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Efesoanɛ 4:25

Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.

Petro 1 4:3

Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.

Petro 2 2:13

Babà mɔ ɔtɔ odenɔ bɔtɔ gɛ balɛ tsyɛ akɔ anɔ bhlatɔ shu. Kɛgɛ bapɛ nɔ kɛlɛinu ɔsɛ sɛ tɛ̀ bawɔ̃ɛ tɛ̀ bebukù gɛ nɛ kiwui nyenyé hrɛrɛrɛ mɛ. Benu banɔ gɛ babhɛtɛ̀ awuĩ ebui nɛ̀ ebui kpɛnɛ̀ kpɛnɛ̀ gɛ bamɔ̃ samè nɛ ɛkpã ŋaŋã kibeɛ gɛ baŋã bɔdɔ̃ nɛ̀ wɔnɔ.

Petro 1 1:18

Ɔmɔsɛ nɔonyi ɔsɛ gɛnɛ bɔdɔ̃ gɛ bɔbàzĩ asɛ sikãfufù nɛ̀ sikãɛkpã shu so pɛ bebú wɔnɔ odenɔ kɛlɛ́ɛ mɛ ɛkpã zazãna gɛ wɔnɔ ashuĩ alɛ alɔkɔ elu akɔ wɔnɔ mɛ.

Koloseanɛ 2:11

Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Efesoanɛ 2:3

Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Petro 2 2:7

kɛlɛ onupɛ ebu Lot anɔ dadalɛ yɛkpã, anɔ gɛamɔ ɔwɔ̃nyɔnɔ odenɔ ɛkpã zizĩ nɛ̀ ɔshabha mabhɛtɛ mabhɛtɛ eleteɛ ahɔɛ mɛɛ,

Galatianɛ 1:13

Ɔmɔsɛ nɔotilũ mɛ ɛkpãa gɛ ɛzã bafala nɔ nɛ Yudanɛ ɛkɔɔ tishushuɔ shu, kɛtɔnɔ gɛ ɛzɛ tɔnɔ ɔha niede gagalĩi pɛ ɛpɛ ɔsɛ tɛ̀ mɛyɛ yɛɛ.

Romanɛ 7:11

Pɔ gɛ kibui kpa bhɛbhɛtɛ mɔɛ idzo nɛ ɔsha nabha soɔ, kibui kpa wɔɛ mɛ, kɛlɛ nɛ ɔsha nulũɔ butsí ba mabha.

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.