Efesoanɛ 4:21 - Nyangbo New Testament

²¹ Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Efesoanɛ 4:21 Referans Kwoze

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Koloseanɛ 2:7

nɔkpɛ̀ igu tɛ̀ nɔbhɔ tɔɖɔ kabha nɛ yɛ mɛ, nɔzã gagalĩ nɛ tɛyɛyɛkɛŋã mɛ asɛ kana gɛ bakasɛ ɔnɔ ana, tɛ̀ nɔkɔ ɔnɔ ahɔɛhuhu eyuku gbagbà.

Korintoanɛ 2 11:10

Gɛ kibui gbã Kristo kibui gɛlɛ ɛlɛ ɔzãkɔ kpasɛ mɛmɛ soɔ, anɔ ka nyia ka gɛede Axaya bɔdɔ̃ mɛ atɛ balà aɖɔ asɛ kibuiɛ gɛ itũ ahɔɛ nɛ mɛitelũɔ ɖɔ ma ɛlɛ mɛ.

Korintoanɛ 2 1:20

Kikpè gɛ Owusoso Akaa ebui ɖɔɖɔ luɔ zikpè kɔ ɔlɔ tsyɛ elo, lɛenu “Ee” nɛ Kristo mɛ. Kliso ɔgana yɛabhaa, bɔɖɔ “Amen” ɔkɔ Owusoso Akaa nɛinye shu tɛdadalɛ.

Romanɛ 10:14

So, kɛlɛ́ anɔ abalà ekulu kinye nɔnɔ́ abha gɛ agɛyɛkɛ aŋãa dza? Kɛlɛ́ babàlà yɛkɛ anunɔ gɛ bekelũ yɛɔdɔ̃ eɖiɛ abha aŋãa dza? Kɛlɛ kɛlɛ́ babalà elũ Owusoso Akaa ibuiɛ onupɛ anɔ nanà atɛ aɖɔ kɛlɛ etseɖe alɛɛ dza?

Efesoanɛ 2:17

Aba ɖɔ̀ ishu yɔyɔ ebui etseɖe wɔnɔ bagɛ nɔzã odzlolo ɔkɔ, pɛ aɖɔ ishu yɛyɔyɔ ebui etseɖe bagɛ etso aplɛnɔ yɛ tsyɛ.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.