Efesoanɛ 4:14 - Nyangbo New Testament

¹⁴ Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Efesoanɛ 4:14 Referans Kwoze

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Yakobo 1:6

Pɔ onupɛ ebisiɛ, ayɛkɛ aŋã, anɛ sɛ tɛ akpɛ ɛlɛ ɔkpɛ, ɔmɔsɛ anɔ gɛ akpɛ ɔkpɛ, alɛ asɛ aƒulĩ gɛitsu guɖaguɖa gɛ kɛlɛ́ fu falanɔ ɔvɛnɔ ɛkɛlɛ odzinɔ mana ana.

Efesoanɛ 6:11

Nɔlɔkɔ Owusoso Akaa ɔɖa akpɛkpɛ gɛ nɔlɔkɔ po ishu nɔ ɔkpɛ, sɛ tɛ nɔlà zã abosam ebui tɔtɔɖɔ nulũ.

Timoteo 2 4:3

Ɔmɔsɛ kibèɛ baba gɛ, banɔ azapɛ asɛ tɛ belũ batɔ̃ akɔ bɔdɔ̃ kakasɛ piapii nɔ. Pɔ tɛ beku ishu awɔ̃ soɔ, babalɔkɔ badɔ̃ kakasɛ kpekpè akana balɛ ishu tɛ betseɖe alɛ kɛgɛ batɔ̃ gɛ awɔɛsɛ̃ alɛ apɛɛ asɛ tɛ belũɔ.

Yuda 1:12

Banɔ alɛ enu kihututũ nɛ wɔnɔ tɛdɛdɛmɛ nɔ ɔdɔ̃ ɔŋãkɔ, gɛ baŋã ɔdɔ nɛ̀ wɔnɔ gɛ kɛtɛ wɔa axɔ̃ɛ bhlui nɛ balɛishu mɛ tsyɛ, ibhoshi agbagbana elete gɛ beeɖì balɛ ete ishu abha. Bedzi asɛ ɔmɔlɔ̃ gɛ subhà ma ɔlɛ mɛ, gɛ kɛlɛ́ɛ nɔ fù ɔlɛ ɔshɛnɔ, ekpemɛ beesìɛ gɛ etieyù eyuyù nanà pɛ bakpà ebho pɛ betsí pete nɔ.

Kibui Bubú Kasɛ 19:20

Pɔ bevũ agãhoeɛ, nɛ̀ yɛasɛnɛ ebuiɖɔluanɔ gɛ azabhɛtɛ atsyindzye ebui akasɛ nɛ yɛinye mɛɛ. Bɔdɔ̃ bubú kasɛ ɛlɛ yɛalɔkɔ awɔɛ bagɛ ayɛkɛ agãhoe ɛná tsatsà, pɛ bazakpɛ ɛtakpu esi akɔ yɛafafatɛɛ. Balɔkɔ banɔ alɛ enunuɔ taabha atɛ́ akpɛ aklagbuifuɔ, gɛtã nɛ̀ ɔɖɛklɛmɛ nɔ mɛ.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Yohanes 1 2:26

Ɛfɔnɔ ebui alɛ kɔ wɔnɔ nɛ bagɛ bapɛ asɛ agbanà wɔnɔ atsaɖakɛ kidzoɔ shu.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Banɔkpɛkpɛ Axɔ̃ɛ 23:21

Tɛ shɛnɛ ahɔɛ nɛ yɛishu kɔ alɛ, ɔmɔsɛ banyɛ gɛ ekpè adɛ afɛtalɛ edikpũ pɛ beepoe. Badɛ tanà bɔdɔ̃ asɛ batɛbàŋã bɔdɔ̃ alo pɛ babàwɔɛ kɛdɔ̃ nanà ɔvɛnɔ kibèɛ gɛ beyii. Batɛ balɛ eli otsiɛ, pɛ beepo wɔ ɔsɛ tɛ ɔbhɛtɛ tɔɖɔ balɛ kibui bibisi nabha.”

Yohanes 1 2:19

Bekoeyì nɛ bɔlɔ ishi, pɔ betinù banɔ tsyɛ gɛ akpasɛ bɔlɔ ishi. Ɔmɔsɛ pɛ otɛ ɔsɛ bɔlɔ ishi bakpasɛɛ, tsyɛ alo batɛ azã bɔlɔ mɛ̀, pɔ balɛ tɛshɛshɛ kasɛ sɛ̀ balɛ ɔmayɛmɛ nanà ama bɔlɔ ishi.

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Yakobo 3:4

Alo ɔmɔ asɛ kelĩabha ihu ana. Gɛ linu ihu hohoe pɛ kɛlɛ́ gagalĩ kɛlɛ ifu ɛlɛ ɛvɛnɔ tsyɛ elo, ogegè bhlui toli ko ɔlɛ otsyina ɔlɛ ɔvɛnɔ ɛkɛlɛ gɛ anunɔ gɛ egè ɔlɛ apɛ asɛ tɛ lɔvɛɛ.

Timoteo 1 3:6

Kɛma ɔsɛ tɛ̀ edzi anɔ gɛ etsyina avɔvɔ, onu gɛnɛ ana, ebefeke yɛishu kɛlɛ ebeku kebhu kukulu mɛ asɛ gɛ abosam tsyɛ ezhieku ana.

Timoteo 2 1:15

Onyi ɔsɛ aka nyia aka gɛ akpasɛ Asia ɔdɔ̃ mɛ ashɛnɛ ahɔɛ nɛ mɛishu, ɔlɔkɔ plɛnɔ Figelo nɛ̀ Hermogene tsyɛ.

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”