Efesoanɛ 2:8 - Nyangbo New Testament

⁸ Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Efesoanɛ 2:8 Referans Kwoze

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Romanɛ 4:16

Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

Romanɛ 10:17

Klisoɔ, odenɔ kibuiɛ tilulũ mɛ tɛyɛyɛkɛŋã koeyi, kɛlɛ kibui ɛlɛ bulũ odenɔ Kristo yɛibuiɛ mɛ.

Banɔkpɛkpɛ Axɔ̃ɛ 16:31

Bebuiliulũ asɛ, “Yɛkɛ Apalete Yesu abha ɔŋã kɛlɛ ɔbɔ mɔ ɛkpã, wɔ nɛ̀ wɔ bɔpã mɛ anɛ.”

Romanɛ 4:5

Anɔ teliɛ anɛ kɛxɔ̃ɛ wɔawɔa mɛ yɛagã, pɔ ayɛkɛ Owusoso Akaa gɛ abhɛtɛ ɛtakpu mɛ gagalĩelete yɛedzi anɔ gbangbã nabha aŋãa, yɛtɛyɛyɛkɛŋãa tɛkɔ ɔsɛ tɛ edzi anɔ gbangbã.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Banɔkpɛkpɛ Axɔ̃ɛ 13:39

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Galatianɛ 3:14

Ebu ɔlɔ ɔsɛ tɛ tiyuyula gɛ balɔkɔ akɔ Abrahamuɔ ba bagɛ etinu Yudanɛ tsyɛ ɔkɔ ɔgana Kristo Yesu abha, ɔsɛ tɛ ɔgana tɛyɛyɛkɛŋã mɛɛ, bɔba yɛkɛ kɛgɛ Ɔfɔfuĩa nɔ tɔɖɔ lu kɔ ɔlɔ.

Efesoanɛ 1:19

nɛ̀ yɛ ohumi hohoe nɔ gɛ batɛ balà lɔkɔ ashɔnɔ ɔnanà, ɔkɔ bɔlɔ bagɛ yɛkɛ aŋãa. Ohumi ɔlɛ odzi asɛ yɛ ohumi gbagbla nɔ gɛ alɔkɔ awɔa axɔ̃ɛ nɔ,

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Koloseanɛ 2:12

gɛ bavɔbɔ wɔnɔ aplɛnɔ yɛ nɛ bulĩ kpɛkpɛ mɛ pɛ befeke wɔnɔ aplɛnɔ yɛ nɛ wɔnɔ tɛyɛyɛkɛŋã mɛ, ɔganà Owusoso Akaa yɛohumi nɔ mɛ, anɔ gɛ yɛefeke yɛ edenɔ bekpuɔ mɛ.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Romanɛ 10:14

So, kɛlɛ́ anɔ abalà ekulu kinye nɔnɔ́ abha gɛ agɛyɛkɛ aŋãa dza? Kɛlɛ́ babàlà yɛkɛ anunɔ gɛ bekelũ yɛɔdɔ̃ eɖiɛ abha aŋãa dza? Kɛlɛ kɛlɛ́ babalà elũ Owusoso Akaa ibuiɛ onupɛ anɔ nanà atɛ aɖɔ kɛlɛ etseɖe alɛɛ dza?

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Tesalonikanɛ 2 1:9

Babà pɔ̃ atɔ akɔ alɛ nɛ̀ butsi tihɔɔ kɛlɛ abàdã kidzo akpɛ alɛ nɛ Apaleteɛ nɛ̀ yɛ bukusiŋaŋã ohumi namɛ

Banɔkpɛkpɛ Axɔ̃ɛ 15:11

Ao! bɔyɛkɛ ŋã ɔsɛ gana bɔlɔ Apalete Yesu tibhui bhuibuɔ mɛɛ, kɛlɛ bayɛkɛ akɔ bɔlɔ asɛ balɛ ana.”

Romanɛ 9:16

Kitinu anɔ teli yɛtɛdɛdɛmɛ ulũ alo yɛemikpɛkpɛ ulũ, pɔ kinu Owusoso Akaa yɛashagabui tiɖiɖi ulũ.

Hebrianɛ 6:4

Kɛba gagalĩ ɔkɔ bagɛ batɛmɔ Owusoso Akaa tɛdadalɛ mɛ eɖi, pɛ bemini yɛdɔ̃ kɔkɔ gɛide ititíɛ eɖi, pɛ bayɛkɛ Ɔfɔfuĩa Gbangbã,