Efesoanɛ 2:13 - Nyangbo New Testament

¹³ Pɔ otsi alɛ xɔnɔ nɛ Kristo Yesu mɛɛ, wɔnɔ bagɛ nɔtɛ zã kitsí oɖiɛɛ, bagbana ɔnɔ ɔplɛnɔ ɔgana Kristo yɛ dzyosu nɔ mɛ.

Efesoanɛ 2:13 Referans Kwoze

Banɔkpɛkpɛ Axɔ̃ɛ 2:39

Tɛtɔtɔɖɔ ɛlɛ lɛ ɔkɔ wɔnɔ nɛ̀ wɔnɔ beyi alɛ nɛ̀ bagɛ balɛ kitsí fãa nɔ, gɛ benu banɔ nɔ nyɔ̃ɔ gɛ bɔlɔ Apaleteɛ Owusoso Akaa ebekuluɔ.”

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Efesoanɛ 2:12

nɔ bakà ɔsɛ nɛ kibe ɛlɛ, bebu ɔnɔ ɔtɔ nɛ Kristo shu, kɛlɛ bebu ɔnɔ ɔtɔ sɛ nɔma Israelanɛ nɛ̀ befuɔ balɛ olugbũnyanyã gɛ batɔɖɔ eluɔ mɛ, gɛ otugbà mɛ ɖiɖi nɛ̀ Owusoso Akaa agɛzã bɔlɔ ahɔɛ nɛ kanɔ nɔ̀ mɛ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Hebrianɛ 9:18

Kɛlɛ so onupɛ bagɛmɔ dzyosu nɔ, bagɛzɛ eshu olugbũ nyanyã gɛoputɔ ɔkɔ.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 15:14

Simon gɛenu Petroɔ ashɔrɔ bɔlɔ kana gɛ putɔnɔ Owusoso Akaa akasɛ yɛ tili tɛlɔlɔkɔ nɛ kibuɔ gɛ ebu banɔ edenɔ bagɛ etinu Yudanɛ mɛ akɔ yɛishu.

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Efesoanɛ 1:1

Mɛ Paulo gɛedzi anɔkpɛkpɛ ɔkɔ Kristo Yesuɔ nɛ Owusoso Akaa tɛtɔtɔɖɔ ulũ, Mɛ sɛsɛ̀ bagɛ ayɛkɛ aŋã nɛ Efeso pɛ bakpasɛ Kristo Yesu mɛ keplukpa alɛ,

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 2:6

Kɛlɛ Owusoso Akaa efeke ɔlɔ aplɛnɔ Kristo kɛlɛ alɔkɔ ɔlɔ adɛzã esi ɔplɛnɔ yɛishu nɛ kititì bukusi ɔŋãkɔ nɛ Kristo Yesu mɛ,

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.