Efesoanɛ 2:12 - Nyangbo New Testament

¹² nɔ bakà ɔsɛ nɛ kibe ɛlɛ, bebu ɔnɔ ɔtɔ nɛ Kristo shu, kɛlɛ bebu ɔnɔ ɔtɔ sɛ nɔma Israelanɛ nɛ̀ befuɔ balɛ olugbũnyanyã gɛ batɔɖɔ eluɔ mɛ, gɛ otugbà mɛ ɖiɖi nɛ̀ Owusoso Akaa agɛzã bɔlɔ ahɔɛ nɛ kanɔ nɔ̀ mɛ.

Efesoanɛ 2:12 Referans Kwoze

Galatianɛ 4:8

Kibeɛ gɛ bafala, pɛ nɔogitì Owusoso Akaa, nɔodzi banɔ dzidzi ɔkɔ bɔdɔ̃ tuli gɛinu ibudì.

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Tesalonikanɛ 1 4:13

Mɛ adzya alɛ mɔ, bɔpɛ ɔsɛ tɛ̀ notì kibui nɛ bagɛ etsiɛ shu, alo tɛ nɔmɔ ɔwɔ̃nyɔnɔ asɛ banɔ gɔgɔɛ nɔ, gɛ betieɖi kidzo mɛ akɔ kibui nanà.

Efesoanɛ 4:18

Balɛ ebui esi lulũɔ mɛ eku otumũ, kɛlɛ bebu ishu ɔtɔ nɛ Owusoso Akaa ɛkpã shu, nɛ kibui matì matiɛ gɛ kpasɛ alɛ mɛ, nɛ gɛ bagagalĩ balɛ etúɔ mɛ so.

Tesalonikanɛ 1 4:5

gɛnɛ sɛ tɛ tɛwɔwɔsɔ̃ nɛ̀ bagɔlɔ zɛlɔ̀ nɛ wɔnɔ shu mɛ asɛ bagɛ bakpɛ kɛtakpu esi akɔ ibudi gɛ betinyi Owusoso Akaa,

Hebrianɛ 6:18

Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.

Romanɛ 9:8

Nɛibui mɛ dadalɛ ulũɔ, anɛ beshui ka nyia ka balɛ enu Owusoso Akaa yɛeyi alɛ, pɔ beyiɛ gɛ Owusoso Akaa atɔɖɔ elu asɛ bedzi Abraham yɛeyi alɛ, balɛ enu yɛtsyɛ yɛeyimɔmɔ alɛ.

Petro 1 3:15

Pɔ nɛ wɔnɔ etúɔ mɛɛ, nɔlɔkɔ Kristo asɛ wɔnɔ Apalete. Nɔbalɛ kibe nyia be tɛ̀ nɔobu kibui ulũ ɔkɔ aka nyia aka gɛ ebisì wɔnɔ kibui sɛ tɛ̀ nɔɖɔ kɛnɔnɔ shu sopɛ nɔoɖì kidzo mɛ ɔkɔ ebui alɛ. Pɔ nɔbhɛtɛ alɛ nɛ tɛdɔdɔ fɔ̃ɔ nɛ̀ kaɖɔ gbangbã tɛɖɔɖɔ mɛ,

Banɔkpɛkpɛ Axɔ̃ɛ 28:20

Nɛ kibui ɛlɛ shu soɔ, ɛpɛ sɛ tɛ ɛmɔ wɔ tɛ̀ bɔɖɔaɖɔ. Mɛ awɔ̃ lulu ɔkɔ Israelanɛ so pɛ banyã mɛ nɛ̀ ɛɖahui ɛlɛ.”

Banɔkpɛkpɛ Axɔ̃ɛ 3:25

Wɔnɔ onu kaŋãsi eleteɛ ɔkɔ ebuiɖɔluanunɔ nɛ̀ Owusoso Akaa yɛ olugbũnyanyã gɛ anya nɛ̀ wɔnɔ akaalɛ. Etseɖe Abraham asɛ, ‘Gana woeyi mɔmɔ alɛ nabha, bebèyula tutu esi akɔ banunɔ petee nɛ kesiakpa nabha.’

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Hebrianɛ 11:34

beteli elĩ efuɔ gɛ azatã nɛ̀ ɔɖɛklɛmɛ nɔ, baabɛtɛ̀ ilugbũ tɛbha ŋaŋã gɛité alɛ, kɔ ɔsɛ ohumi ozoku bagɛ bebotsoɔ mɛ, pɛ bazawɔa bunye nɛ buyu ɔtakɔ pɛ beté bagɛ alɔkɔ ɔyu nɛ balɛishuɔ.

Timoteo 1 1:1

Mɛ Paulo gidzi, Yesu Kristo yɛanɔkpɛkpɛ nɛ Owusoso Akaa gɛebu ɔlɔ yɛɔsha kɔkɔ nulũɔ nɛ̀ Yesu Kristoɔ gɛenu anɔ gɛ buɖi kidzo mɛ ɔkɔ,

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Banɔkpɛkpɛ Axɔ̃ɛ 2:39

Tɛtɔtɔɖɔ ɛlɛ lɛ ɔkɔ wɔnɔ nɛ̀ wɔnɔ beyi alɛ nɛ̀ bagɛ balɛ kitsí fãa nɔ, gɛ benu banɔ nɔ nyɔ̃ɔ gɛ bɔlɔ Apaleteɛ Owusoso Akaa ebekuluɔ.”

Efesoanɛ 2:19

Nɛ kibui ɛlɛ shu soɔ, nɔ otikonu bededeba alo beefù, pɔ nɔonu Owusoso Akaa yɛanɔ nɛ̀ Owusoso Akaa yɛɔpãmɛ ayɛ,

Hebrianɛ 8:6

Kɛxɔ̃ɛ dɛdɛɛ pɔ gɛ Kristo ayɛkɛɛ, kigbogblo dɛ balɛ ɛyɛ, asɛ kigbogbloɔ gɛ yɛolugbũ nyanyã gɛ alɔkɔ evũ iboe nɛ bɔlɔ ishiɛ nɔ tsyɛ ogbogblo ɔdɛ balɛ ɔyɛ kukuɔ ana. Ɔmɔsɛ lode tɛtɔtɔɖɔ luɔ gɛpɛ̃ dɛ okukuɔ mɛ.