Efesoanɛ 1:4 - Nyangbo New Testament

⁴ Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Efesoanɛ 1:4 Referans Kwoze

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Koloseanɛ 1:22

Pɔ otsiɛ xɔnɔ, abhɛtɛ̀ ɔnɔ tenikpo nɛ̀ Kristo ishudzya ɔganà butsi mɛ, tɛ̀ abhɛtɛ wɔnɔ ishu lɛ dalɛ nɛ yɛamɛ, tɛ̀ batɛmɔ kihututũ nanà nɛ ɔnɔ shu tɛ̀ noboli odenɔ kɛpɔ bubu mɛ,

Efesoanɛ 5:27

sɛ tɛ alɔkɔ ɔlɛ akɔ yɛishu asɛ ɔha gɛ lootséɛ, tɛ kibo, ishupi bɔbɔlɔ alo kihututũ nanà tɛzã ɔlɛ shu, pɔ tɛ lɔdalɛ tɛ batɛ mɔ bamɛ tsitsí nana nɛ ɔlɛ shu.

Kibui Bubú Kasɛ 17:8

Agãhoeɛ gɛ ɔmɔɔ, atɛzã eɖi, otsiɛ xɔnɔ abha ma, kɛlɛ ebekoeyì ede ozĩ dzudzuɔ mɛ aba pɛ bebèyíi. Banunɔ gɛ alɛ esiakpa nabha, pɛ bagɛ fɔnɔ balɛ enye akpɛ ɛkpãelete nɛeplukpa mɛ odenɔ kibeɛ gɛ kanɔ alɛ akpɛ esiɛ, kɛbabhɛtɛ alɛ ibi, onupɛ bamɔ agãhoeɛ. Ɔmɔsɛ atɛzã eɖi kɛlɛ abha ma, pɔ azababa.

Banɔkpɛkpɛ Axɔ̃ɛ 13:48

Gɛ bagɛ etinu Yudanɛ elũ kibui ɛlɛ, same eku balɛ kɛlɛ bakpɛ Apalete nɛibuiɛ nɛitití, kɛlɛ bagɛ Owusoso Akaa ebu elu akɔ ɛkpã tihɔɔ nɔ mɛ tsyɛ ayɛkɛ aŋã.

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Filipianɛ 2:15

sɛ tɛ batɛmɔ bamɛ tsitsí nanà nɛ ɔnɔ shu, pɔ tɛ wɔnɔ shu dalɛ asɛ Owusoso Akaa yɛeyi alɛ gɛ batɛ amɔ kibui zizĩ nɛ ɔnɔ shu, nɛ obo kanɔ kɔklɔ̃ nɛ̀ ebui kpa bhɛbhɛtɛ alɛ mɛ gɛ wɔnɔ xɔnɔ̃ otsè asɛ awɔ̃ɛɛ gɛ alɛ kititiɛ ana,

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”

Banɔkpɛkpɛ Axɔ̃ɛ 18:10

Ɔmɔsɛ ɛlɛ ɔplɛnɔ wɔ, kɛlɛ anɔ nanàa etibè zhieku wɔabha pɛ abakpɛ kɛpɔ̃ nɛ wɔshu, ɔmɔsɛ banɔ kpekpè alɛ mahɔɛ nɛ ɔmã hohoe ɔlɛ mɛ.”

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Tesalonikanɛ 1 3:12

Tɛ̀ Apaleteɛ akɔ wɔnɔ tɛdɛdɛmɛ nɔ wlui kpè tɔɖɔ tɛ kiyuku balɛ̀ ɔkɔ bagɔlɔ nɛ̀ anɔ nyia anɔ tsyɛ, asɛ gɛ bɔlɔ ɛyɛ bhɛtɛ kɔ wɔnɔ.

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Romanɛ 8:33

Afana gɛ abalà alɔkɔ kibui nɛ Owusoso Akaa anunɔ gɛ ebu eluɔ shu? Owusoso Akaa yɛebu utsyɔa akɔ banɔ.

Yohanes 1 4:16

Kliso bunyi, kɛlɛ bɔkpà plɛnɔ Owusoso Akaa tɛdɛdɛmɛ nɔ nɛ̀ bɔlɔ. Owusoso Akaa enu tɛdɛdɛmɛ nɛ anɔ. Anunɔ gɛ edzinɔ yɛkpã nɛ̀ tɛdɛdɛmɛ nɔɔ, anɔ alɛ akpasɛ Owusoso Akaa mɛ, kɛlɛ Owusoso Akaa tsyɛ akpasɛ yɛ mɛ.

Petro 2 3:14

Klisoɔ, mɛ ɔbhialɛ gɛ ɛdɛmɛ nɔ, gɛ nɔoɖì idzomɛ ɔkɔ ebui ɛlɛ soɔ, nɔbhɛtɛ kɛka nyia ka gɛ nɔbɔlà tɛ̀ batɛ mɔ kibò nɛ̀ bamɛtsitsí ibui nanà nɛ wɔnɔ shu, tɛ̀ nɔzã nɛ ishu yɔyɔ mɛ ɔplɛnii.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Banɔkpɛkpɛ Axɔ̃ɛ 15:18

ebui gɛ benyi edenɔ kibè tili ke.