Efesoanɛ 1:18 - Nyangbo New Testament

¹⁸ Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Efesoanɛ 1:18 Referans Kwoze

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Tesalonikanɛ 2 1:11

Gɛ kibui ɛlɛ kpasɛ bɔlɔ ekpeɖekpeɖeɛ mɛ soɔ, bukulu Owusoso Akaa nɛ wɔnɔ ɛtakpu kibè nyia bè, sɛ tɛ̀ bɔlɔ Owusoso Akaa ayɛkɛ wɔnɔ asɛ nɔna ɔkɔ yɛ tikukuluɔ, kɛlɛ nɛ yɛ ohumi nulũɔ, ababhɛtɛ tɔɖɔ wɔnɔ ebui gbangbã tɔtɔɖɔ nɛ̀ katsɛɖɛ bubu ka nyia ka gɛ wɔnɔ tɛyɛyɛkɛŋã kɔ nobuɔ nabha.

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Efesoanɛ 1:11

Yɛ mɛ bebu ɔlɔ tsyɛ, gɛ atɔɖɔ ɛlɛ asɛ ababhɛtɛ ɔlɔ akpɛ otugbà nɛ yɛ tɛtɔtɔɖɔ ulũ, anɔ gɛ yɛawɔa axɔ̃ɛ sɛ labhɛtɛ tenikpo nɛ kɛgɛ yɛatɔɖɔ nɛ̀ kɛgɛ yɛapɛ ulũ,

Hebrianɛ 10:32

Nɔbaka ewuiɛ gɛ abafala pɛ nɔyɛkɛ tɛdadalɛ oɖi. Kibe ɛlɛ nɔzã piapii, nɔɔkpɛ emi ɔzɔwlɔãkɛ gagalĩi nɛ bɔtɔ gelee mɛ.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Hebrianɛ 6:4

Kɛba gagalĩ ɔkɔ bagɛ batɛmɔ Owusoso Akaa tɛdadalɛ mɛ eɖi, pɛ bemini yɛdɔ̃ kɔkɔ gɛide ititíɛ eɖi, pɛ bayɛkɛ Ɔfɔfuĩa Gbangbã,

Koloseanɛ 3:15

Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Efesoanɛ 2:12

nɔ bakà ɔsɛ nɛ kibe ɛlɛ, bebu ɔnɔ ɔtɔ nɛ Kristo shu, kɛlɛ bebu ɔnɔ ɔtɔ sɛ nɔma Israelanɛ nɛ̀ befuɔ balɛ olugbũnyanyã gɛ batɔɖɔ eluɔ mɛ, gɛ otugbà mɛ ɖiɖi nɛ̀ Owusoso Akaa agɛzã bɔlɔ ahɔɛ nɛ kanɔ nɔ̀ mɛ.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Banɔkpɛkpɛ Axɔ̃ɛ 16:14

Balɛ ɔmayɛmɛ tenikpo gɛ azataatɔ̃ nɛ ɔlɔ yɛenu Lidia, anɔ gɛ azadɛ apɔtɛ gɛ layɛkɛ kedzì, pɛ ehoeyi azã yɛahɔɛ pɛ ede Tiatira pɛ enu anɔ gɛ akpɛ kɛtakpu esi akɔ Owusoso Akaa. Apaleteɛ adalɛ yɛ kitúɔ mɛ ɔsɛ tɛ̀ ayɛkɛ Paulo ebui gɛ amana.

Filipianɛ 3:14

Ɛwlɔ̃akɛ sɛ tɛ mɛŋã kabha tɛ ɛyɛkɛ kɛbhɛɛ gɛ ɛlɛ shu so pɛ Owusoso Akaa ekulu mɛ ɔvɛnɔ ititiɛ ɔmana Kristo Yesu mɛ.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Romanɛ 11:29

ɔmɔsɛ Owusoso Akaa yɛbɔdɔ̃ kɔkɔ anɔ nɛ̀ yɛ banɔ tikukuluɔ titsyina ɖa.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,