Efesoanɛ 1:17 - Nyangbo New Testament

¹⁷ Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Efesoanɛ 1:17 Referans Kwoze

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Efesoanɛ 1:3

Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Korintoanɛ 1 2:10

pɔ Owusoso Akaa ebu alɛ akasɛ bɔlɔ xɔnɔ ganà yɛ Ɔfɔfuĩa nɔ mɛ. Ɔfɔfuĩa ɔpɔ̃ɛ ebuiɛ petee mɛ, Owusoso Akaa yɛebui dzudzuɔ mɛ tsyɛ.

Efesoanɛ 3:5

kibui gɛ begi bu akasɛ banɔ nɛ kibeɛ gɛtɛ bafala mɛ, asɛ gɛ Ɔfɔfuĩa nɔ obu ɛlɛ ɔkasɛ Owusoso Akaa anɔkpɛkpɛ dadalɛ nɛ̀ ebuiɖɔluanɔ.

Banɔkpɛkpɛ Axɔ̃ɛ 6:10

pɔ, bagɛ lazã yɛubutì nɛ̀ Ɔfɔfuĩa nɔ gɛ ɔlɛ yɛalɔkɔ azaɖɔaɖɔ nulũ.

Korintoanɛ 2 12:1

Kɛlɛ sɛ tɛ ɛzã kɛlɛ abha tɛ itũ ahɔɛ nɛ mitelũ. Kɛnanà ma gɛ ɛbamɔ nɛlɛ mɛ pɔ, ɛbazã kɛlɛ abha bhɛtɛ tɔɖɔ mɛɔdɔ̃ mɔmɔ nɛ tibubukasɛ gɛide Apaleteɛ ɔkɔ nabha.

Korintoanɛ 1 12:8

Anɔ teli bakɔɛ bubutì kaɖɔɖɔɖɔ ɔganà Ɔfɔfuĩa nɔ mɛ, anɔbhlatɔ tsyɛ bakɔɛ kibuititì ɔganà Ɔfɔfuĩa nɔ mɛ,

Korintoanɛ 1 2:8

Kanɔ alɛ mɛ beekusi nanà egilũ bɔlɛ esi, ɔmɔsɛ pɛ otɛ ɔsɛ belũ bɔlɛ kesiɛ tsyɛ alo, bagɛ takpalà Apaleteɛ gɛ yɛishu dalɛ nɛ butsi osiɛ shu.

Romanɛ 15:6

sɛ tɛ nɔlɔkɔ kitú tinikpo nɛ̀ olugbũ tonikpo ɔkpɛ Owusoso Akaa, gɛenu bɔlɔ Apalete Yesu Kristo Yɛakaa nɛinye nɛitití.

Kibui Bubú Kasɛ 7:12

baɖɔ asɛ, “Amen! Kinye kpɛkpɛ nɛitití nɛ̀ ishu dadalɛ bubuiti, ahɔɛ huhú nɛ̀inye tɛkpɛkpɛ nɛitití ohumi nɛ̀ bupu onu bɔlɔ Owusoso Akaa yɛ denɔ otsiɛ ɔvɛnɔ tihɔɔ. Amen!”

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Yakobo 2:1

Mɛadzya alɛ mɔ, wɔnɔ asɛ banɔ gɛ ɔyɛkɛ ishu dadalɛ anɔ Apalete Yesu Kristo abha ɔŋãa, nɔotɛ oɖi anɔ amɛ.

Korintoanɛ 1 14:6

Mɛadzya alɛ, otsiɛnɔ onupɛ ɛba wɔnɔ ɔbhà pɛ ihu beluhũ vɔvɔɔ, kɛgbangbã ɖuwoe mɛbadzì ɔkɔ wɔnɔ, ɔdɛ ɔsɛ ɛmanà wɔnɔ kibui tili gɛ bebu akasɛ mɛ alo kibuititì alo kibui gɛ baɖɔ eluɔ alo kibui gɛ baɖɔ alɔkɔ akpalà banɔ nɔ dza?

Timoteo 2 2:25

Bagɛ balɔ kititì nɛishuɔ tsyɛɛ, kɛlɛ sɛ yɛishu mɛ yɔ tɛ ebu ebui esi ɔkɔ alɛ, nɛ̀ kidzo mɛ ɖiɖi ɔsɛ Owusoso Akaa abakɔ alɛ etú mɛ tsyitsyina gɛ ɛba gbana alɛ vɛnɔ kibui titìɛ gɛinu kibui gbã mɛ,

Romanɛ 1:28

Otsi nɔ, gɛ bagɛmɔ asɛ kinu ibui gɛ kɛyɛkɛ edzi sɛ tɛ bayɛkɛ Owusoso Akaa bubuti akpɛ ishu mɛ soɔ, etsyina balɛ ekpeɖekpeɖeɛ mɛ etũ, sɛ tɛ baabhɛtɛ ebuiɛ gɛ lama ɔbhɛtɛ kɔɔ.

Banɔkpɛkpɛ Axɔ̃ɛ 7:2

Ebu kibui ɛlɛ ulũ asɛ, “Mɛadzya alɛ, nɛ mɛakaa alɛ, nɔtaatɔ nɛ mɛ! Nɛ kibe ɛlɛ gɛ bɔlɔ ashuĩ Abraham azã Mesopotamia nɔ, Owusoso Akaa Ishudadalɛ eleteɛ ebu yɛishu akasɛ yɛ nɛ ɛkɛlɛ flogo pɛ Abraham ebetú avɛ Xaram.

Efesoanɛ 4:13

odiyinɔ ɔsɛ bɔlɔ petee tɔnɔ tenikpo bhɛbhɛtɛ nɛ tɛyɛyɛkɛŋã mɛ, nɛ̀ Owusoso Akaa Yɛeyiɛ kibuititiɛ mɛ pɛ bushè, pɛ bɔlɔ tɛzazã petee tsyinà gɛ ná nɛ Kristo mɛ.

Filipianɛ 3:15

Kɛlɛ sɛ bɔlɔ agɛ ishèɛ petee zilu awɔ̃ ɖi ebuiɛ ana. Kɛlɛ onupɛ nɛ kawɔ̃pɛ tieli mɛ wɔ bhɛtɛ ekpeɖekpeɖe bhlatɔ mɛ tsyɛɛ, kɛlɛ tsyɛ Owusoso Akaa abadãlɛ ɛlɛ mɛ akɔ wɔ.