Efesoanɛ 1:13 - Nyangbo New Testament

¹³ Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Efesoanɛ 1:13 Referans Kwoze

Korintoanɛ 2 1:22

alɔkɔ adadã gɛ akasɛ asɛ yayɛ bunuɔ adã bɔlɔ ulũ nɔ, kɛlɛ alɔkɔ yɛ Ɔfɔfuĩa nɔ akpɛ bɔlɔ etúɔ mɛ̀ asɛ kɛdɔ̃ gɛ alɔkɔ atɔɖɔ kɛklagbu nɛ kɛgɛ baba nabha.

Efesoanɛ 4:30

Kɛlɛ nɔtɛ kɔ Owusoso Akaa Ɔfɔfuĩa Gbangbã ɔmɔ̃ ɔwɔ̃nyɔnɔ, gɛ ɔlɛ balɔkɔ adã ɔnɔ ɔdɔ̃ elu nɔ, odiyinɔ kiwuiɛ gɛ bebè bu ɔnɔ.

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Romanɛ 4:11

Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.

Tito 2:11

Ɔmɔsɛ Owusoso Akaa tibhui bhuibuɔ gɛ mana tibubuɔ koeyì ɔkɔ banɔ nɔ petee.

Galatianɛ 3:14

Ebu ɔlɔ ɔsɛ tɛ tiyuyula gɛ balɔkɔ akɔ Abrahamuɔ ba bagɛ etinu Yudanɛ tsyɛ ɔkɔ ɔgana Kristo Yesu abha, ɔsɛ tɛ ɔgana tɛyɛyɛkɛŋã mɛɛ, bɔba yɛkɛ kɛgɛ Ɔfɔfuĩa nɔ tɔɖɔ lu kɔ ɔlɔ.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Banɔkpɛkpɛ Axɔ̃ɛ 2:33

Gɛ befeke yɛavɛnɔ Owusoso Akaa kɛŋãa mɛ ebekeɛ, ayɛkɛ Ɔfɔfuĩa Gbangbã gɛ batɔɖɔ elu akɔɛ odenɔ Akaa ɔkɔ kɛlɛ yɛtsyɛ ashɛnɛ ahɔɛ nɛ ɔlɛ shu asɛ gɛ nɔmɔ pɛ nolũɔ ana.

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Banɔkpɛkpɛ Axɔ̃ɛ 1:4

Kibeɛ tinikpo gɛ azaŋã bɔdɔ̃ nɛ̀ alɛɛ, akɔ alɛ ɔsha ɔlɛ asɛ, “Nɔtɛshɛ nɛ Yerusalem, pɔ nɔzã tɛ nozopo kɛgɛ Mɛakaa atɛɖɔ elu asɛ abakɔ pɛ ɛzɛɖɔ tseɖe wɔnɔɔ.

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Kibui Bubú Kasɛ 7:2

Kɛlɛ ɛmɔ axɔ̃ɛdɛ bhlatɔ gɛ ede kiwiɛ otukɔ aba, gɛ evunɔ agɛ Owusoso Akaa enunuɔ alɔkɔ etũ inye nɔ. Akpɛ ozĩ gagalĩ ekulu baxɔ̃ɛdɛ talɛ gɛ bakɔ ohumi asɛ tɛ bezĩ esiakpa nɛ̀ aƒuɔ asɛ,

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Timoteo 2 2:15

Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Korintoanɛ 2 6:7

nɛ kibui gbã tɛɖɔɖɔ mɛ nɛ̀ Owusoso Akaa yɛohumi nɔ mɛ, tɛ bɔlɔkɔ kibui gbangbã bhɛbhɛtɛ keyutadɔ̃ nɛ kɛŋã nɛ̀ kɛblɛkpɛ mɛ̀,

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.