Banɔkpɛkpɛ Axɔ̃ɛ 9:39 - Nyangbo New Testament

³⁹ Petro avɛ nɛ̀ alɛ, kɛlɛ gɛ ediku ɛkɛlɛɛ, bagbani yɛavɛnɔ kabhavũɔ mɛ. Kɛlɛ bavɛvɛ edziniɛ alɛ pete abalɔɛtití nɛ Petro ɔbha, pɛ bezebi yoyo kɛlɛ balɔkɔ bɔdɔ̃ kpɛkpɛ gɛ Tabita eyú nɛ kibeɛ gɛ azã balɛ ɔbha aakasɛ alɛ.

Banɔkpɛkpɛ Axɔ̃ɛ 9:39 Referans Kwoze

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Efesoanɛ 4:28

Agɛ yɛezuruɔ, ayɔlɔ yɛuzĩɛ gɛ ezuruɔ, pɔ awɔa axɔ̃ɛ, tɛ alɔkɔ yɛahɔɛ aza bhɛtɛ kibui tili gɛbà plɛnɔ, sɛ tɛ amɔ kɛdɔ̃ tili akɔ bagɛ apɛ ɛdɔ̃.

Yohanes 1 3:18

Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Tesalonikanɛ 1 4:13

Mɛ adzya alɛ mɔ, bɔpɛ ɔsɛ tɛ̀ notì kibui nɛ bagɛ etsiɛ shu, alo tɛ nɔmɔ ɔwɔ̃nyɔnɔ asɛ banɔ gɔgɔɛ nɔ, gɛ betieɖi kidzo mɛ akɔ kibui nanà.

Korintoanɛ 2 8:12

Ɔmɔsɛ onupɛ tɛpɛpɛ ɔkɔ kɛdɔ̃ kɔkɔ lɛɛ, baba yɛkɛ kɛgɛ ɔlàkɔ nɛ kɛgɛ lɛ wɔahɔɛ mɛ, gɛnɛ kɛgɛ ma wɔahɔɛ pɛ ɔtɛbɔlà kɔ shu.

Banɔkpɛkpɛ Axɔ̃ɛ 20:35

Nɛ kɛka nyia ka gɛ ɛbhɛtɛ mɛɛ, ɛkasɛ wɔnɔ ɔsɛ̀ kɛxɔ̃ɛ gagalĩ ɛlɛ nɛidi wɔawɔa mɛ kɛlɛ ɔsɛ bɔplɛnɔ bagɛ ohumi ɔma balɛ ahɔɛ, ɛɛbakà ebui alɛ gɛ Apalete Yesu aɖɔ asɛ, ‘Tiyuyulà kpasɛ kɛdɔ̃ kɔkɔ mɛ ɔdɛ kɛdɔ̃ yɛyɛkɛ mɛ.’ ”

Banɔkpɛkpɛ Axɔ̃ɛ 9:41

Petro anyana yɛahɔkpɔɔ, pɛ aplɛni yɛalɔ azã yɛtsɛɖɛ nabha. Kɛlɛ ekulu bayɛyɛkɛŋã nɛ̀ bavɛvɛ edzini alɛ pɛ alɔkɔɛ akpɛ ahɔɛ akɔ alɛ enunù.

Banɔkpɛkpɛ Axɔ̃ɛ 8:2

Bagɛ ayɛkɛ Owusoso Akaa nabha aŋã adɛvɔbɔ Stefano pɛ bebii popopo.

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Banɔkpɛkpɛ Axɔ̃ɛ 1:13

Gɛ bediku ɔma mɛɛ, bewu avɛ kabha buvũɔ mɛ gɛ bazazãa. Bagɛ bazã ɛkɛlɛ balɛ enu Petro, Yohanes, Yakobo nɛ̀ Andrea, Filipo nɛ̀ Toma, Bartolomeo nɛ̀ Mateo, Yakobo, Alfeo yɛeyiɛ nɛ̀ Simon, Ishuahɔɛmɛ zazã pɛpɛelete Kɛzamɛanɔ, nɛ̀ Yuda Yakobo yɛeyiɛ.

Timoteo 1 5:3

Plɛnɔ bavɛvɛ edzɛniɛ gɛ ɛdɔ̃ nanà ma alɛ ahɔɛ.

Timoteo 1 5:5

Avɛvɛ yɛedziniɛ gɛ kɛdɔ nana ma yɛahɔɛ pɛ yɛ ete yɛalɛ, yɛotugbà mɛ ɖiɖiɛ petee otsiɖi Owusoso Akaa nabha, kɛlɛ azã ɛlɛ abha elishi nɛ̀ kiwui mɛ tɛ ekulu Owusoso Akaa tɛ ezebisi tepɛplɛnɔ edenɔ yɛahɔɛ mɛ.